కొలంబో: శ్రీలంకలో ఘోర రోడ్డు ప్రమాదం(Road accident) సంభవించింది. ఎల్లా-వెల్లవాయ ప్రధాన రహదారిపై(Ella-Wellawaya main road) 24వ కి.మీ. పోస్ట్ సమీపంలో నిన్న రాత్రి  జరిగిన మినీ బస్సు ప్రమాదంలో మృతుల సంఖ్య 15కి పెరిగిందని అధికారులు వెల్లడించారు. ఎల్లా-వెల్లవాయ ప్రధాన రహదారిపై బస్సు కొండచరియలో పడిపోవడంతో తొమ్మిది మంది మహిళలు సహా కనీసం పదిహేను మంది మరణించారని, 11 మంది పురుషులు, ఏడుగురు మహిళలు, పిల్లలు సహా 18 మంది గాయపడ్డారని పోలీసులు నిర్ధారించారు. బదుల్లా టీచింగ్ హాస్పిటల్‌లో(badulla teaching hospital) 15 మందికి పైగా రోగులు చేరారు. వారిలో పలువురి పరిస్థితి విషమంగా ఉందని చెబుతున్నారు. టాంగల్లె మున్సిపల్ కౌన్సిల్ నుండి విహారయాత్రకు వచ్చిన ఉద్యోగుల బృందంతో ప్రయాణిస్తున్న బస్సు రోడ్డు పక్కనే ఉన్న 500 మీటర్ల వాలుపైకి బోల్తా పడి ఆగిపోయింది. ఈ ప్రమాదం జరిగింది. ప్రమాదం జరిగిన సమయంలో ఈ బృందం ఎల్లా నుండి తంగల్లెకు తిరిగి వెళుతుండగా ఈ సంఘటన జరిగినప్పుడు బస్సులో దాదాపు 30 మంది ఉన్నారని పోలీసులు తెలిపారు.