జీవితాంతం ఆరోగ్యానికి బలంఆరోగ్యం నిజంగా ఎప్పుడు మొదలవుతుంది? పుట్టిన తర్వాత లేదా స్కూల్ వయస్సులో అని చాలామంది అనుకుంటారు. కానీ శాస్త్రీయ ఆధారాలు వేరే నిజాన్ని చెబుతున్నాయి.- మన ఆరోగ్య ప్రయాణం గర్భధారణ దశలోనే మొదలవుతుంది మరియు పిల్లలు రెండో పుట్టినరోజు వరకు కొనసాగుతుంది. ఈ అత్యంత కీలకమైన కాలాన్ని మొదటి వెయ్యి రోజులు” అని పిలుస్తారు.- అంటే గర్భధారణ ప్రారం భం నుంచి పిల్లవాడు రెండేళ్లు పూర్తయ్యే వరకు. ఈ వెయ్యి  రోజులు భవిష్యత్తులో ఆరోగ్యంగా జీవించడానికి అత్యుత్తమ అవకాశం కల్పిస్తాయి. ఈ సమయంలో సరైన పోషణ వల్ల శరీర అభివృద్ధి మాత్రమే కాకుండా మెదడు ఎదుగుదల, రోగ నిరోధక శక్తి మెరుగుపడుతుంది. మరియు భవిష్యత్తులో మధుమేహం, ఊబకా యం, గుండె సమస్యల ముప్పు తగ్గుతుంది.

ఈ వెయ్యి  రోజుల్లో మూడు దశలను పరిశీలిద్దాం. -సాధారణమైన, సరైన ఆహార నిర్ణయాలు ఎంతటి మార్పు తేవచ్చో చూద్దాం. 

దశ 1: గర్భధారణ సమయంలో 

పోషణ (9 నెలలు)

ఒక మహిళ గర్భవతిగా మారినప్పుడు, ఆమె శరీరం ఒక కొత్త జీవిని సృష్టించే అద్భుతమైన ప్రక్రియను ప్రారంభిస్తుంది. ఈ సమయంలో బిడ్డ పూర్తిస్థాయిలో తల్లిపైనే ఆధారపడి ఉంటాడు. అందువల్ల తల్లి ఆహారం బిడ్డ ఆరోగ్యానికి అత్యంత కీలకం.

గర్భిణులు ఏమి తినాలి?

ఇనుము అధికంగా ఉన్న ఆహారం: రక్తహీనత (అలసట, బలహీనత) నివారణకు. ఉదా: ఆకుకూరలు, ఎండు పండ్లు, బాదం, బీన్స్, బీట్రూట్, ఇనుము కలిగిన ధాన్యాలు.

ప్రోటీన్: బిడ్డ అవయవాల కోసం ముఖ్యం. ఉదా: పప్పులు, గుడ్లు, పాలు, పెరుగు, పనీర్, చేపలు, చికెన్.

కాల్షియం మరియు విటమిన్ డీ: బలమైన ఎముకలు మరియు పళ్లకు. ఉదా: పాలు, నువ్వులు, రాగి, చిన్న చేపలు, సూర్యకాంతి.

ఫోలిక్ యాసిడ్: జన్మలో లోపాలను నివారిస్తుంది. ఉదా: ఆకుకూరలు, బొర్లూ, శనగలు, నిమ్మ పండ్లు, తగినంత సప్లిమెంట్స్.

పారదర్శక ద్రవాలు: దాహ నివారణ మరియు రక్త పరిమాణం కోసం. ఉదా: తగినంత నీరు, జీలకర్ర నీళ్లు.

సాధారణ అపోహలు, నిజాలు

ఇద్దరి కోసం తినాలి:  తప్పు! రెండో, మూడో త్రైమాసికాల్లో మాత్రమే తక్కువ స్థాయిలో అదనపు కెలొరీస్ అవసరం. నాణ్యత మీద దృష్టి పెట్టాలి. 

బొప్పాయి గర్భస్రావం చేస్తుంది:  పక్వమైన బొప్పాయి శుభ్రంగా తీసుకుంటే సురక్షితం.

 దశ 2: స్థన్యపానం  (పుట్టిన తర్వాత 06 నెలలు)

తల్లిపాలు బిడ్డలకు సహజంగా లభించే సంపూర్ణ ఆహారం. ఇది తగినంత పోషకాలను అందించడమే కాకుండా వ్యాధుల నుండి రక్షణ కలిగిస్తుంది.

లాభాలు: 

-రోగనిరోధక శక్తిని పెంచే యాంటీబాడీలు ఉంటాయి.

-తల్లీబిడ్డల మధ్య భావోద్వేగ బంధం బలపడుతుంది. 

-బిడ్డకు భవిష్యత్తులో అలర్జీలు, ఊపిరితిత్తుల సమస్యలు, ఊబకాయం తగ్గే అవకాశం ఉంటుంది.

తల్లులు 

ఏమి తినాలి: సమతుల్య ఆహా రం (పండ్లు, కూరగాయలు, ధాన్యాలు, ప్రో టీన్, ద్రవాలు) విటమిన్లు, ఖనిజాలు కోసం డాక్టర్ సూచన మేరకు మాత్రమే సప్లిమెంట్స్ తీసుకోవాలి.

దశ 3: ఉపఆహారం 6 నెలల నుండి 2  ఏళ్ల వరకు 

ఆరు నెలల తరువాత తల్లిపాలు. ఉప ఆహారాన్ని ప్రారంభించాలి. మొదట ముద్దలా ఉండే తేలికపాటి ఆహారం ఇవ్వాలి.

ఉదాహరణలు:

-ముద్ద చేసిన అరటి, ఆపిల్

-బియ్యం లేదా రాగి జావ

-ముద్దగా చేసిన పప్పు, కూరగాయలు

-మసూరి (పప్పు, అన్నం, నెయ్యితో)

-ఇడ్లీ (దాల్లో ముంచిన)

12 నెలలకల్లా: మూడు చిన్న భోజనాలు మరియు 1-2 స్నాక్స్ ఇవ్వాలి.

చేయాల్సినవి:

-ఒక్కో కొత్త ఆహారాన్ని విడివిడిగా పరిచయం చేయండి.

-చిన్నసిప్పులుగా వెచ్చని నీరు ఇవ్వండి.

-ఆహారం తయారీ సమయంలో పరిశుభ్రత పాటించండి.

-2 ఏళ్ల వరకు తల్లిపాలు కొనసాగించండి. 

చేయకూడదని విషయాలు:

-ఒక సంవత్సరం లోపు చక్కెర, ఉప్పు, తేనె ఇవ్వకండి.

-బలవంతంగా తినిపించకండి లేదా మొబైల్ / టీవీ చూపిస్తూ తినిపించకండి.

 కుటుంబ పాత్ర..

ఈ 1000 రోజుల్లో తల్లి, బిడ్డలే కాదు - తండ్రులు, తాత,ముత్తాతలు కూడా కీలకపాత్ర పోషించాలి. తల్లి విశ్రాంతిగా ఉండేందుకు సహాయపడాలి, ఆరోగ్యకరమైన ఆహారం తీసుకునేలా ప్రోత్సహించాలి. చిన్నారులకు తొందరగా తీపి లేదా వేపిన వంటకాలు ఇవ్వడం నివారించాలి.

 ఈ దశ ఎందుకు అంత ముఖ్యమైనది?

ఈ వెయ్యి రోజులలో తగిన పోషణ లేకపోతే దీర్ఘకాలిక సమస్యలు ఎదురవుతాయి. బిడ్డ మందగమనంగా ఎదుగుతాడు, తరచూ జబ్బులు పడతాడు, మెదడు అభివృద్ధి ఆలస్యం అవుతుంది. భవిష్యత్తులో మధుమేహం, గుండె సంబంధిత వ్యాధుల ముప్పు పెరుగుతుంది. కానీ సరైన ఆహారం, ప్రేమ, సంరక్షణతో - పిల్లలు బలంగా, తెలివిగా, ఆరోగ్యంగా ఎదుగుతారు.

మెదడు అభివృద్ధిపై ప్రత్యేక దృష్టి

మీకు తెలుసా? పిల్లవాడు రెండేళ్లలోనే 80% మెదడు ఎదుగుతుంది. ఐరన్, డీహెచ్‌ఏ(ఒక రకమైన కొవ్వు), కొలిన్, జింక్ వంటి మైక్రోపోషకాలతో మెదడు అభివృద్ధి, జ్ఞాపకం, శ్రద్ధ మెరుగుపడతాయి.

ఆహారంగా ఇవ్వవలసినవి: గుడ్లు, చేపలు, బాదం (పేస్ట్ లేదా పొడి రూపంలో), ఆకుకూరలు, పండ్లు, పాలు.

 భారతదేశంలో పోషణ లోపం

భారతదేశం లోపల 5 సంవత్సరాల లోపు పిల్లలలో మూడింట ఒకరు తక్కువ బరువు లేదా ఒత్తుగా పెరుగుతున్నారు. వీటి మూలాలు మొదటి వెయ్యి రోజులలోనే ఉన్నాయి. ఈ సమస్యలను సరైన సమయానికి తగిన ఆహారంతో నివారించవచ్చు.

ముఖ్యమైనది: విదేశీ ఆహారం అవసరం లేదు. మన ఇంట్లో చేసిన ఆరోగ్యకరమైన ఆహారం, ప్రేమ, శ్రద్ధ చాలుతాయి.

ముగింపు సందేశం: తొలినాళ్లలో పెట్టుబడి - జీవితాంతం లాభం  

ఒక క్లినికల్ డైటీషియన్‌గా  నేను తిరిగి తిరిగి చూస్తున్నాను- మొదటి 1000 రోజులు ఎంత విలువైనవో. ఇది తిరిగి పొందలేని “గోల్డెన్ పీరియడ్‌”. మనం మాతృత్వాన్ని ప్రోత్సహిద్దాం, మాతలను సపోర్ట్ చేద్దాం, ప్రతి బిడ్డ ఆరోగ్యంగా జీవించేందుకు బలం కల్పిద్దాం. ఆరోగ్యంగా గర్భం దాల్చిన తల్లి, పాలు ఇస్తున్న తల్లి, బాగా పోషితమైన చిన్నారి ఇవే ఆరోగ్యవంతమైన భారత్కు పునాది. 

 ఐశ్వర్యా రాజ్ పీఆర్ చీఫ్ క్లినికల్ డైటీషియన్, కాంటినెంటల్ హాస్పిటల్స్