గోడకు కన్నం వేసి నగదు ఎత్తుకెళ్లిన గుర్తుతెలియని వ్యక్తి

కుత్బుల్లాపూర్,(విజయక్రాంతి): సూరారం పోలీస్ స్టేషన్ పరిధిలోని శివాలయం నగర్ ఆర్యన్ వైన్స్ లో అర్ధరాత్రి దొంగలు హల్ చల్ చేశారు. వైన్స్ షాప్ గోడకు కన్నం పెట్టి లక్ష రూపాయల నగదు, 15 మద్యం బాటిల్లు ఎత్తుకెళ్లారు. షాప్ కు సంబంధించిన సీసీ కెమెరాలలో దొంగతనం దృశ్యాలు రికార్డు అయ్యాయి.దీంతో వైన్స్ షాప్ యజమాని సూరారం పోలీస్ స్టేషన్ లో ఫిర్యాదు చేశాడు. కేసు నమోదు చేసుకున్న పోలీసులు సీసీ కెమెరాల ఆధారంగా దర్యాప్తు చేస్తున్నట్లు తెలిపారు.