హైదరాబాద్: నగరంలోని మధురానగర్‌(Madhura Nagar)లోని తన ఇంట్లో బుధవారం రాత్రి ఒక ట్రాఫిక్ కానిస్టేబుల్(Traffic constable) ఉరి వేసుకుని ఆత్మహత్యాయ త్నానికి ప్రయత్నించాడు. ఆ పోలీసు అధికారి తిరుమలగిరి పోలీస్ స్టేషన్‌లో పనిచేస్తున్నాడు. నివేదికల ప్రకారం, కానిస్టేబుల్ ఇంట్లోని ఒక గదిలోకి వెళ్లి బెల్ట్ ఉపయోగించి సీలింగ్ ఫ్యాన్‌కు ఉరి వేసుకుని ఆత్మహత్యకు ప్రయత్నించాడు. గమనించిన కుటుంబ సభ్యులు వెంటనే అతన్ని ఆసుపత్రికి తరలించారు. ప్రస్తుతం కానిస్టేబుల్ ఆసుపత్రిలో చికిత్స పొందుతున్నాడు. ఈ ఘటనపై కేసు నమోదు చేసుకున్న పోలీసులు  ట్రాఫిక్ కానిస్టేబుల్ ఎందుకు ప్రాణాలు తీసుకునేందుకు ప్రయత్నించాడన్న కోణంలో దర్యాప్తు చేస్తున్నారు.