గాంధారి,(విజయక్రాంతి): గత మూడు రోజులుగా కురుస్తున్న వర్షాలకు ప్రధాన రహదారిపై ఉన్నటువంటి గాంధారి పెద్దవాగు వరద వచ్చి గంగమ్మ గుడి ఈ వరద  ప్రవాహానికి కొట్టుకుపోయింది. దీంతో శుక్రవారం రోజున గంగపుత్ర సంఘం సభ్యులు గంగమ్మ విగ్రహానికి  వెలికి తీసి గుడి పునర్నిర్మాణానికి పనులు మొదలు పెట్టారు. ఈ గంగమ్మ విగ్రహానికి మాజీ జెడ్పిటిసి, రాష్ట్ర బిజెపి నాయకులు హరాలే తానాజీరావు రూపాయలు 51 వేలు విరాళంగా గంగపుత్ర సభ్యులకు అందజేశారు. ఈ సందర్భంగా ఆలయ పునర్నిర్మాణానికి విరాళం అందజేసిన తానాజీరావుకు సంఘం సభ్యులు  కృతజ్ఞతలు తెలిపారు.