నిజాంసాగర్ (విజయక్రాంతి): కామారెడ్డి జిల్లా నిజాంసాగర్ ప్రాజెక్టు(Nizamsagar Project)లో శనివారం సాయంత్రం ఓ యువకుడు గల్లంతయ్యాడు. వివరాల్లోకి వెళ్తే.. పిట్లం మండలం అల్లాపూర్ గ్రామానికి చెందిన గైని పండరి(28) తన బైక్​పై ప్రాజెక్టు వద్దకు వచ్చి గార్డెన్ లోపల పర్యాటకులు చూస్తుండగానే నీటిలో దూకాడు. ఎంతకు పైకి రాకపోవడంతో స్థానికులు నిజాంసాగర్ పోలీసులకు సమాచారం అందించారు. దీంతో ఎస్సై శివకుమార్ ప్రాజెక్టు వద్దకు చేరుకొని పరిసరాలను పరిశీలించారు. ప్రాజెక్టు వద్ద యువకుడికి చెందిన బైక్​ మాత్రమే ఉంది. యువకుడు కావాలనే నిజాంసాగర్ ప్రాజెక్టులో దూకి ఆత్మహత్యకు పాల్పడ్డాడా, లేక నీటిలో దూకిన తర్వాత ఈతరాక మునిగిపోయాడా అనే విషయాలు తెలియాల్సివుంది.