పెళ్లిపై బిగ్‌బాస్ బ్యూటీ బోల్డ్ కామెంట్స్

16-11-2026 | 05:59pm

బిగ్ బాస్ తెలుగు సీజన్ 4 ఫేమ్, నటి దివి వడ్త్యా తన పెళ్లి ఆలోచనలపై ఆసక్తికర వ్యాఖ్యలు చేసింది. ఇటీవల ఓ ఇంటర్వ్యూలో పాల్గొన్న ఆమె.. వివాహం విషయంలో తనకున్న అభిప్రాయాలను ఎలాంటి మొహమాటం లేకుండా బయటపెట్టింది. సరైన వ్యక్తి దొరికితేనే పెళ్లి చేసుకుంటానని, లేదంటే సింగిల్‌గా ఉండటానికైనా సిద్ధమేనని స్పష్టం చేసింది.

పెళ్లికి ముందు కాబోయే భాగస్వామితో కొంతకాలం కలిసి ప్రయాణించాలని దివి అభిప్రాయపడింది. అలా ఉన్నప్పుడే ఎదుటివారి స్వభావం, ఆలోచనలు, వ్యక్తిత్వం పూర్తిగా అర్థమవుతాయని పేర్కొంది. ఒకరినొకరు అర్థం చేసుకున్న తర్వాతే పెళ్లి నిర్ణయం తీసుకోవడం మంచిదని తెలిపింది.

గతంలో పెళ్లి విషయంలో అమ్మాయిలు తమ అభిప్రాయాలను ఇంత బహిరంగంగా చెప్పడానికి సంకోచించేవారని, ప్రస్తుతం పరిస్థితులు మారుతున్నాయని దివి వ్యాఖ్యానించింది. తమ జీవిత భాగస్వామిని ఎంచుకునే విషయంలో అమ్మాయిలు స్పష్టమైన అభిప్రాయాలను కలిగి ఉంటున్నారని చెప్పుకొచ్చింది. తనకు నచ్చిన వ్యక్తి దొరికితేనే వివాహ బంధంలోకి అడుగుపెడతానని, లేదంటే ఒంటరిగా ఉండటానికీ వెనుకాడనని దివి చెప్పిన మాటలు ఇప్పుడు నెట్టింట ఆసక్తికర చర్చకు దారితీస్తున్నాయి.

మరిన్ని వార్తలు