ఉత్తర ప్రదేశ్: సమాజ్‌వాదీ పార్టీ (Samajwadi Party) అధ్యక్షుడు అఖిలేష్ యాదవ్(Akhilesh Yadav) అధికారిక ఫేస్‌బుక్ ఖాతాను సస్పెండ్(Akhilesh Yadav Facebook suspended) చేశారని, ప్రతి వ్యతిరేక స్వరాన్ని అణిచివేసేందుకు బీజేపీ ప్రభుత్వం అప్రకటిత అత్యవసర పరిస్థితి విధించిందని పార్టీ నేతలు ఆరోపిస్తున్నారు. నిబంధనలకు విరుద్ధంగా పోస్టులు పెట్టారని అఖిలేష్ ఫేస్ బుక్ ఖాతాను ఫేస్ బుక్ సస్పెండ్ చేసింది. ఫేస్ బుక్ లో అఖిలేష్ యాదవ్ కు 80 లక్షల మంది ఫాలోవర్లు ఉన్నారు. 8 మిలియన్లకు పైగా అనుచరులతో ఉన్న ఉత్తరప్రదేశ్ మాజీ ముఖ్యమంత్రి ఖాతాను శుక్రవారం  సాయంత్రం 6 గంటల ప్రాంతంలో నిలిపివేసారు.

ఎస్పీ చీఫ్(SP chief Akhilesh Yadav) తన అభిప్రాయాలను పంచుకోవడానికి, ప్రభుత్వ లోపాలను హైలైట్ చేయడానికి, మద్దతుదారులతో కనెక్ట్ అవ్వడానికి ఈ పేజీని క్రమం తప్పకుండా ఉపయోగించేవారు. అఖిలేష్ యాదవ్ ఫేస్ బుక్(Akhilesh Yadav Facebook) ఖాతా సస్పెండ్ పై సమాజ్ వాదీ పార్టీ నేతలు బీజేపీపై ఆగ్రహం వ్యక్తం చేస్తున్నారు. దేశంలో అప్రకటిత ఎమర్జెన్సీ నడుస్తోందని సామాజ్ వాదీ పార్టీ ఆరోపించింది. ఫేస్ బుక్ ఖాతా సస్పెండ్ చేయడం ప్రజాస్వామ్యంపై దాడిగా ఎస్పీ ఆరోపించింది. "దేశంలోని మూడవ అతిపెద్ద పార్టీ జాతీయ అధ్యక్షుడు గౌరవనీయులైన అఖిలేష్ యాదవ్ జీ ఫేస్‌బుక్ ఖాతాను సస్పెండ్ చేయడం ప్రజాస్వామ్యంపై దాడి. బిజెపి ప్రభుత్వం అప్రకటిత అత్యవసర పరిస్థితిని విధించింది, ఇక్కడ ప్రతి వ్యతిరేక స్వరాన్ని అణచివేస్తున్నారు. కానీ సమాజ్‌వాదీ పార్టీ బిజెపి ప్రజా వ్యతిరేక విధానాలను వ్యతిరేకిస్తూనే ఉంటుంది" అని ఎస్పీ ప్రతినిధి ఫక్రుల్ హసన్ చాంద్(SP spokesperson Fakhrul Hasan Chand) ఎక్స్ లో రాశారు.