పాపని నాగరాజు :

సమాజంలో వెనుకబడిన తరగతులు (బీసీలు) సంఖ్యాబలం కలి గిన శక్తి వంతులు. లక్షలాది హృదయాలు, కష్టజీవుల ఆశలు, భవిష్యత్తు ఇవన్నీ బీసీ సముదాయంలో ఉన్నాయి. కానీ, ఈ శక్తి రాజకీయ, సామాజిక, ఆర్థిక న్యాయాన్ని ఎందుకు సాధించలేకపోతోంది? కుల వివక్ష, అసమానతలు, ఆధిపత్య కులాల ఆధిక్యం బీసీలను వెనక్కి నెట్టేస్తున్నాయి. ఇ లాంటి సమయంలో, బీసీలు తమ భవిష్యత్తును ఎలా రూపుదిద్దుకోవాలి? ఈ దృష్టి లో ఆలోచనాత్మకంగా, పోరాట ఉత్సాహం తో, త్యాగ భావనను రేకెత్తించే శైలిలో మార్గాల ఆలోచన చేయాలి.

ఇది కేవలం ఆలోచనల సమాహారం కాదు ఇది ఒక విప్లవ జెండా, బీసీల స్థానాన్ని సమాజంలో బలోపేతం చేసేందు పోరాట పిలుపు. బీసీలు ఎదుర్కొంటున్న సవాళ్లు ఇనుము కోటల్లాంటివి. చారిత్రకంగా, దళితులకు ఉన్న తీవ్రమైన కుల వివక్ష లేక పోయిన, వారికి అసమానత ఉంది. ఆర్థిక వెనుకబాటుతనం వారి ఆశలను కుదించింది. విద్యా అవకాశాల కొరత వారి భవిష్యత్తును పరిమితం చేసింది.

నేడు, ఈ సవాళ్లు రూపం మార్చినా, తీవ్రత తగ్గలేదు. బీసీలు ఓటు బ్యాంకుగా గుర్తించబడుతున్నప్పటికీ నిజమైన అధికారం మాత్రం వారికి లేదు. ఆదిపత్య కులాల రాజకీయ పార్టీలు హామీలతో బీసీలను ఆకర్షిస్తాయి, కానీ నాయ కత్వ స్థానాలు ఆధిపత్య కులాల వద్దే ఉం టున్నాయనడంలో సందేహం లేదు.

రాజకీయ ఐక్యత.. 

బీసీ కులాల్లో ఏ కులానికి ఆ కులం జనాధిక్యత గల వారే. విడివిడిగా ఏర్పడుతారే కానీ, వీరికి ఉమ్మడి ఐక్యత లోపించ డమే నేడు శాపంగా మారింది. పద్మశాలి, గొల్ల, కురుమ, గౌడ, ముదిరాజ్, మున్నూ రు కాపు వంటి జనాధిక్యత గల కులాలు విడివిడిగా వీరి జనాభా ఎంత ఉంటె అం త ప్రాతినిధ్యం లేదని, వీరితో మిగితా బక్కపల్చని సామాజిక చెతన్యం తక్కువ ఉన్న వారిని వీరితో కలుపుకొని పోరాడుతూ, ఒక బలమైన శక్తిగా ఏకం కాలేకపోతున్నాయి.

ఆర్థికంగా, బీసీలు వ్యవసాయం, చేతి వృత్తులు, అసంఘటిత రంగంలోనే ఎక్కువగా చిక్కుకున్నారు.  గ్రామీణ ప్రాం తాల్లో నాణ్యమైన విద్య లేకపోవడం, ఉన్నత విద్యా సంస్థల్లో అవకాశాల కొరత బీసీలను కాస్త వెనుకంజలో ఉంచిందేమోననిపిస్తున్నది. సామాజికంగా, కుల వివక్ష బీసీల స్వీయగౌరవాన్ని దెబ్బతీస్తోంది. అం తర్గతంగా, బీసీ ఉపకులాల మధ్య ఉన్న వివక్ష సమస్యను మరింత జటిలం చే స్తోంది.

ఈ సవాళ్లను ఎదుర్కోవడానికి బీ సీలు త్యాగం చేయాల్సిన అవసరముంది. విభజనలను వీడి, ఐక్యత కోసం, సమన్యాయం కోసం పోరాడాలి. ఈ పోరాటం సమాజంలో బీసీల స్థానాన్ని మార్చే విప్లవంగా అవుతుంది. బీసీల సంఖ్యా బలం పెద్దది.  బీసీల్లో అంతర్గతంగా ఒక ఉపకులం రిజర్వేషన్ల కోటాకై పోరాడుతుం టూ.. మరోవర్గం తమను బలహీనుల జాబితాలో చేర్చాలంటుంది. ఈ విభజన రాజకీయాలే బీసీలను మరింత బలహీనులుగా మారుస్తున్నాయి.

బలహీనపరుస్తోం ది. రాజకీయ ఐక్యత కోసం బీసీలు త్యాగం చేయాలి. వ్యక్తిగత ఆశలను వదులుకొని, సామూహిక లక్ష్యాల కోసం ఎవరికి వారు గా ఉన్న ధోరణి విడిచిపెట్టి ఉద్యమం కోసం కలిసి నడవాలి. బీసీలు స్వతంత్ర ప్రత్యామ్నాయ రాజకీయ శక్తిగా ఎదగాలి. బీసీలు ఆధిపత్య కులాల రాజకీయ పార్టీల ఆధీనంలో ఉండకుండా స్వగొంతుకై పోరా టం చేయాలి. 

ఈ లక్ష్యం కోసం బీసీ సంఘాలు.. సామాజిక, ఆర్థిక, రాజకీయ, సాంస్కృతిక అవగాహన కార్యక్రమాలు నిర్వహించాలి. యువతను ప్రత్యామ్నాయ రాజకీయ నాయకత్వంలోకి తీసుకురావడానికి శిక్షణ కార్యక్రమాలు, వర్క్‌షాప్‌లు నిర్వహించాలి.

ఆర్థిక ఉన్నతి అవసరం

ఆర్థిక బలం లేకుండా.. సామాజిక, సాంస్కృతికంగా అభివృద్ధి కాకుండా బీసీలకు రాజకీయ గౌరవం సాధ్యం కాదు. గ్రామీణ ప్రాంతాల్లో శిక్షణ కేంద్రాలు, స్కి ల్ డెవలప్‌మెంట్ ప్రోగ్రామ్‌లు బీసీ యు వతను ఆధునిక రంగాల్లోకి తీసుకొస్తాయి. వ్యవసాయం బీసీల ఆర్థిక స్థితికి మూలస్తంభం. కానీ నూతన వ్యవసాయ రంగ పద్దతులతో మెజారిటీ ప్రజలను భాగస్వాములను చేసే విధంగా కృషిచేయాలి. ఆధునిక వ్యవసాయ పద్ధతులు, సేంద్రీయ వ్యవసాయం, అగ్రో-ఆధారిత పరిశ్రమల్లో పెట్టుబడులు అవసరం.

బీసీ రైతులు తమ ఉత్పత్తులను నేరుగా మార్కెట్‌కు చేర్చే వ్యవస్థలను అభివృద్ధి చేసుకోవాలి. స్థానిక సహకార సంఘాల ద్వారా బీసీ రైతులు తమ ఉత్పత్తులను అంతర్జాతీయ మార్కెట్‌లోకి తీసుకెళ్లవచ్చు. వ్యాపార రంగంలో, బీసీలు ఎదగడానికి ప్రభుత్వం తక్కువ వ డ్డీ రుణాలు, స్టార్టప్ సబ్సిడీలు అందించాలి. బీసీ వ్యాపారవేత్తలు చిన్న తరహా పరిశ్రమలు, స్థానిక వ్యాపారాలను ప్రారంభించడం ద్వారా ఆర్థిక స్వావలంబన సాధించవచ్చు. 

సామాజిక ఉద్యమం..

సామాజిక గౌరవం లేకుండా.. రాజకీయ, సాంస్కృతిక, ఆర్థిక విజయాలు అ సంపూర్ణం. బీసీలు సామాజికంగా గౌరవం సాధించాలంటే, అంతర్గత, బాహ్య కుల వివక్షను తొలగించుకోవాలి. ఇదొక బృహత్తర కార్యం కావాలి. అయితే ఈ పోరాటం సులభం కాదు. దీనికి ఐక్యత, త్యాగం, విప్లవాత్మక దృక్పథం అవసరం. ఒక సామూ హిక బీసీ గుర్తింపును రూపొందించాలి. ఈ లక్ష్యం కోసం, బీసీ సంఘాలు సమావేశాలు, సాంస్కృతిక కార్యక్రమాలు నిర్వ హించాలి.

ఈ సమావేశాలు, సాంస్కృతిక ఉత్సవాలు ఉపకులాల మధ్య అవగాహనను పెంచుతాయి. ఆధిపత్య కులాల నుం చి బీసీలు ఎదుర్కొంటున్న వివక్ష గ్రామీణ ప్రాంతాల్లో ఇంకా ఉంది. ఆలయ ప్రవేశం, సామాజిక కార్యక్రమాల్లో ఆంక్షలు ఇంకా కొనసాగుతున్నాయి. ఈ వివక్షను తొలగించడానికి, బీసీలు చట్టపరమైన, సామాజిక, విద్యాత్మక మార్గాలను అనుసరించాలి. ఎస్సీ, ఎస్టీ అట్రాసిటీ చట్టాలు ఉన్నప్పటికీ అరకొరగానే అమలవుతున్నాయి. అయి నా చట్టం కొంత ఉపశమనం.

అగ్రవర్ణ కులాల ఆధిపత్యం నుంచి తమను తాము కాపాడుకోవడం కోసం బీసీ సామజిక ర క్షణ చట్టం ఏర్పాటు చేసుకోవాలి. గ్రామీణ స్థాయిలో చట్టం అమలును బలోపేతం చే యడానికి బీసీ సంఘాలు ఒత్తిడి తెచ్చే కార్యక్రమాలు నిర్వహించాలి. సామాజిక ఉద్యమం మరో కీలక మార్గం. సినిమా, సాహిత్యం, మీడియా ద్వారా సమానత్వ సందేశాలను ప్రచారం చేయాలి. బీసీ కళాకారులు, రచయితలు, ఫిల్మ్ మేకర్స్ ఈ బాధ్యతను తీసుకోవాలి.

కుల వివక్షను వ్యతిరేకించే సినిమాలు, నాటకాలు, సాహి త్య రచనలు సమాజ దృక్పథాన్ని కొంత మార్చగలవు. విద్య ఒక విప్లవాత్మక ఆయు ధం. పాఠశాలలు, కాలేజీల్లో సమానత్వం, కుల వివక్షను వ్యతిరేకించే పాఠ్యాంశాలను చేర్చాలి. బీసీ విద్యార్థులకు స్కాలర్‌షిప్‌లు, మెంటార్‌షిప్ ప్రోగ్రామ్‌లు నిర్వహించడం ద్వారా ఆత్మ విశ్వాసాన్ని పెంపొం దించవచ్చు. సోషల్ మీడియాలో కులాల సమానత్వంపై క్యాంపెయిన్ అవసరం. చేనేత కార్మికులు, కళాకారులను గౌరవించే ఉత్సవాలు నిర్వహించాలి. 

స్వతంత్ర మార్గాలు..

బీసీల భవిష్యత్తు సవాళ్లతో నిండినది, కానీ అది ఒక ఆశాదీపం. రాజకీయ ఐక్య త, ఆర్థిక బలం, సామాజిక గౌరవం.. ఈ లక్ష్యాలను సాధించడానికి, బీసీలు ఒక విప్లవంగా మారి అగ్రకుల పాలకుల పార్టీల దారిని వీడి స్వతంత్ర, ప్రత్యామ్నాయ మా ర్గాలను అనుసరించాలి. అది రాజకీయం గా, బీసీలు స్వతంత్ర శక్తిగా ఎదగడం ద్వా రానే సాధ్యమవుతుంది. గ్రామీణ స్థా యి నుంచి రాష్ర్ట స్థాయి వరకు నాయకత్వాన్ని పెంచడం అవసరం.

విద్య ఒక ఆయుధం. బీసీ యువత ఆధునిక విద్య, నెపుణ్యాలను సొంతం చేసుకోవాలి. నా యకత్వం గ్రామీ ణ, పట్టణ స్థాయిలో బలోపేతం కావాలి. ఈ పోరాటం కోసం బీసీలు తమ సౌలభ్యాన్ని త్యాగం చేసి, సమాజం కోసం పోరాడాలి. ఇది ఒక విప్లవ జెండా. ప్రతి బీసీ వ్యక్తి ఈ ఉద్యమంలో భాగమై, సమాజంలో తమ స్థానాన్ని సాధించాల్సిన అవ సరముంది.

 వ్యాసకర్త సెల్:  9948872190