కోదాడ: గొర్రెలు మేకల  పెంపకందారులకు  ప్రభుత్వం అండగా ఉంటుందని ఎమ్మెల్యే పద్మావతిరెడ్డి అన్నారు.  కోదాడ పట్టణంలోని  ప్రాంతీయ పశువైద్యశాలలో  గొర్రెలు, మేకలకు ఉచిత నట్టల నివారణ మందులను త్రాగించే కార్యక్రమాన్ని ఆమె సోమవారం ప్రారంభించి మాట్లాడారు. ఈ నెల 31 వ తేదీ వరకు  ముందస్తు షెడ్యూలు  ప్రకారం  పశువైద్యాదికారులు,

సిబ్బంది  టీములుగా  ప్రతీ గ్రామాన్ని సందర్శించి ఉచిత నట్టల నివారణ శిభిరాలు ఏర్పాటు చేసి జీవాలకు  నట్టల నివారణ మందులు తాగిస్తారని, గొర్రెలు మేకల పెంపకం దారులు ఈ అవకాశాన్ని సద్వినియోగం చేసుకోవాలని  సూచించారు. కోదాడ ప్రాంతీయ పశువైద్యశాలను జిల్లా పశువైద్యశాలగా మార్చాలని శాసన సభ్యుల వారికి జిల్లా పశువైద్య మరియు పశుసంవర్ధక అధికారి  విన్నవించగా తప్పక పరిశీలిస్తామని హామీ ఇచ్చారు.