ముంబై: ఇంగ్లాండ్ తో టెస్టు సిరిస్(England Test Series) కు బీసీసీఐ శనివారం భారత జట్టును ప్రకటించింది. ఇంగ్లాండ్ టూర్ కు మహమ్మద్ షమీని బీసీసీఐ(Board of Control for Cricket in India) దూరం పెట్టింది. ఎనిమిది ఏళ్ల తర్వాత కరుణ్ నాయర్ జట్టులో చోటు దక్కించుకున్నాడు. ఐదు సంవత్సరాల క్రితం భారతదేశం తరపున తన తొలి టెస్ట్ ఆడిన శుభ్‌మన్ గిల్, జూన్ 20న ఇంగ్లాండ్‌లో ప్రారంభమయ్యే ఐదు మ్యాచ్‌ల సిరీస్‌కు కెప్టెన్‌గా ఎంపికయ్యాడు. 

వాంఖడే స్టేడియంలోని క్రికెట్ బోర్డు ప్రధాన కార్యాలయంలో జరిగిన సెలక్షన్ కమిటీ సమావేశం తర్వాత గిల్‌ను రోహిత్ శర్మ(Rohit Sharma) వారసుడిగా ఎంపిక చేశారు. గిల్(Shubman Gill) భారతదేశానికి 37వ టెస్ట్ కెప్టెన్‌గా ఉంటారు. రోహిత్ గత నెలలో రెడ్-బాల్ క్రికెట్ నుండి రిటైర్మెంట్ ప్రకటించాడు. వారాల తర్వాత, మాజీ కెప్టెన్ విరాట్ కోహ్లీ కూడా తన మార్గంలోనే నడిచాడు. గిల్ తొలిసారి టెస్టులకు సారథ్యం వహిస్తున్నాడు. ఇంగ్లాండ్ టూర్ కు టేస్టు వైస్ కెప్టెన్ గా రిషబ్ పంత్ ను ఫైనల్ చేశారు. ఇంగ్లాండ్ తో టెస్టు సిరిస్ కు 18 మందితో భారత్ జట్టు బరిలోకి దిగనుంది. జూన్ 20 నుంచి ఇంగ్లాండ్ తో ఐదు టెస్టుల సిరీస్ ప్రారంభం కానుంది.

భారత జట్టు: శార్దూల్ ఠాకూర్, జస్ప్రీత్ బుమ్రా , మహమ్మద్ సిరాజ్, ప్రసిద్ధ్ కృష్ణ, ఆకాశ్ దీప్, అర్ష్‌దీప్ సింగ్, కుల్దీప్ యాదవ్, అభిమన్యు, కరుణ్, నితీష్ కుమార్ రెడ్డి, రవీంద్ర జడేజా, ధ్రువ్, వాషింగ్టన్ సుందర్, శుభ్ మన్ గిల్, రిషబ్ పంత్, జైస్వాల్, కేఎల్ రాహుల్, సాయి సుదర్శన్.