కాకతీయ మెగా టెక్స్ టైల్ పార్కులో ఉత్పత్తిపై కేటీఆర్ హర్షం 

కాకతీయ మెగా టెక్స్ టైల్ పార్క్ దేశానికే తలమానికం.

హైదరాబాద్: వరంగల్ లోని కాకతీయ మెగా టెక్స్ టైల్స్ పార్కులో ఉత్పత్తిపై బీఆర్ఎస్ వర్కింగ్ ప్రెసిండెంట్ కేటీఆర్(BRS Working President KTR) హర్షం వ్యక్తం చేశారు. జూన్ 2023లో, వరంగల్‌లోని కాకతీయ మెగా టెక్స్‌టైల్ పార్క్‌లో 11 యంగ్‌గోన్ కార్పొరేషన్ ఫ్యాక్టరీలకు శంకుస్థాపన చేసామని తెలిపారు. మొదటి యూనిట్ వాణిజ్య ఉత్పత్తిని ప్రారంభించిందని, ప్రపంచ మార్కెట్లకు టీ-షర్టులను ఎగుమతి చేస్తుందని తెలుసుకుని సంతోషంగా ఉందని పేర్కొన్నారు.

90శాతం మంది శ్రామిక శక్తి స్థానిక మహిళలే కావడం ఆనందంగా ఉందన్నారు. ఇది సాధికారతకు నిజమైన చిహ్నం అన్నారు. అన్ని యూనిట్లు ప్రారంభం కావడంతో, వరంగల్ ఒక ప్రధాన వస్త్ర కేంద్రంగా మారుతుందని చెప్పారు. కాకతీయ మెగా టెక్స్‌టైల్ పార్క్‌ను(Kakatiya Mega Textile Park) 'వ్యవసాయం నుండి ఫ్యాషన్' అనే నినాదంలో స్థాపించామని పునరుద్ఘటించారు. భారతదేశంలో అత్యుత్తమ నాణ్యత గల పత్తిని ఉత్పత్తి చేయడం నుండి 1,350 ఎకరాలలో విస్తరించి ఉన్న దేశంలోనే అతిపెద్ద వస్త్ర పార్క్‌ను సృష్టించడం వరకు, తెలంగాణ దేశంలోని మిగిలిన ప్రాంతాలకు కొత్త ప్రమాణాలను నిర్దేశించింది. మాజీ ముఖ్యమంత్రి కేసీఆర్ TSiPASS సింగిల్ విండో క్లియరెన్స్ సిస్టమ్ వంటి చురుకైన పారిశ్రామిక విధానాలకు ఆయన ధన్యవాదాలు తెలిపారు. తెలంగాణ సంవత్సరాలుగా ప్రధాన ఎంఎన్సీ పెట్టుబడులను ఆకర్షించిందన్న కేటీఆర్ దీని ఫలితంగా స్థానిక యువతకు పెద్ద ఎత్తున ఉపాధి అవకాశాలు లభించాయని పేర్కొన్నారు.