అక్రమ మొరం తరలిస్తున్న రెండు జెసిబిలను సీజ్ చేసిన మైనింగ్ అధికారులు 

పెద్దపల్లి (విజయక్రాంతి): మొరం మాఫియాకు కేరాఫ్ అడ్రస్ గా తురకల మద్దికుంట గ్రామం మారింది. గ్రామంలోని ఏనా బోర్ల గుట్ట నుండి అక్రమంగా మొరం తరలిస్తున్నారన్న పక్క సమాచారం అందుకున్న మైనింగ్ అధికారులు సంఘటన స్థలాన్ని చేరుకున్నారు. అధికారులను గమనించిన మొరం తరలించే వ్యక్తులు జెసిబిలను వదిలేసి పరారయ్యారు. తర్వాత ఎవరి ఆ జెసిబిలు అని అధికారులు ఆరా తీశాక, గత్యంతరం లేక  అక్కడకు వచ్చిన ఓనర్లు జెసిబిలో డీజిల్ లేదు అంటూ అధికారులకు జెసిబి ఓనర్ లు రెండు గంటలసేపు చుక్కలు చూపించారు. నానా తంటాలు పడి అధికారులు చివరికి రెండు జెసిబిలను సీజ్ చేసి పెద్దపల్లి రూరల్ పోలీస్ స్టేషన్ కి తరలించారు. మొరం మాఫియా కు అడ్డుకట్ట వేయాలని గ్రామ ప్రజలు అధికారులను కోరుకున్నారు. ఈ కార్యక్రమంలో మైనింగ్ అధికారి ఆర్ఐ వెంకటగిరి పాల్గొన్నారు.