మాజీ మంత్రి కేటీఆర్

హైదరాబాద్ సిటీ బ్యూరో, ఆగస్టు 18 (విజయక్రాంతి): బహుజన ధీరత్వానికి ప్రతీక సర్దార్ సర్వాయి పాపన్నగౌడ్ అని మాజీ మంత్రి, బీఆర్‌ఎస్ వర్కింగ్ ప్రెసిడెంట్ కేటీఆర్ కొనియాడారు. సర్వాయి పాపన్న జయంతి సందర్భంగా సోమవారం ఘన నివాళులు అర్పించారు. పీడిత జనుల కోసం, బహుజనుల ఆత్మగౌరవం కోసం తన సర్వస్వాన్ని ధారబోసిన మహాయోధుడు సర్వాయి పాపన్న అని గుర్తు చేశారు.

నిరంకుశ పాలనకు ఎదురొడ్డి, అణగారిన వర్గాల అభ్యున్నతికి పాటుపడిన పాపన్నగౌడ్ తెలంగాణలో పుట్టడం మనందరికి గర్వకారణమని చెప్పారు. పాపన్న పోరాటస్ఫూర్తిని భావితరాలకు అందించాలనే ఉద్దేశంతోనే కేసీఆర్ ప్రభుత్వం సర్దార్ సర్వాయి పాపన్న జయంతి, వర్ధంతిలను అధికారికంగా నిర్వహించాలని నిర్ణయించిందని గుర్తు చేశారు.