హైదరాబాద్: రంగారెడ్డి జిల్లా చేవెళ్ల మండలం(Chevella road accident) మీర్జాగూడ జరిగిన ఘోర రోడ్డు ప్రమాదంలో మృతదేహాలకు చేవెళ్ల ప్రభుత్వ ఆసుపత్రిలో(Chevella Govt Hospital) శవపరీక్షలు కొనసాగుతున్నాయి. 10 మృతదేహాలకు శవపరీక్షలు నిర్వహించి బంధువులకు అప్పగించినట్లు అధికారులు పేర్కొన్నారు. చేవెళ్ల ప్రభుత్వాస్పత్రిలో మృతదేహాలకు శవపరీక్షలు చేశారు. మృతుల్లో 14 మందిని అధికారులు గుర్తించారు. మిగిలిన మృతదేహాలకు గుర్తించాల్సి ఉందని అధికారులు తెలిపారు. ఉస్మానియా ఆస్పత్రికి చెందిన 3 ఫోరెక్సిక్ బృందాల ఆధ్వర్యంలో శవపరీక్షలు జరుగుతున్నాయి. తాండూరు, వికారాబాద్ చెందిన ఒక్కో బృందం శవపరీక్షలు నిర్వహిస్తున్నాయి. శవపరీక్షల అనంతరం కుటుంబసభ్యులకు మృతదేహాలను అప్పగించారు.

స్వస్థలాలకు మృతదేహాలను పంపుతున్నట్లు అధికారులు చెప్పారు. ఈ ఘోర ప్రమాదంలో బస్సు డ్రైవర్ వెనుక కూర్చున్న ప్రయాణికులు ఎక్కువ మంది మరణించగా, కండక్టర్ వెనుక కూర్చున్న ప్రయాణికులు ప్రాణాలతో బయటపడ్డారని ప్రాణాలతో బయటపడిన వారిలో ఒకరు తెలిపారు. ఈ భయంకరమైన సంఘటనను గుర్తుచేసుకుంటూ, తాను బస్సులో నిద్రపోతున్నప్పుడు పెద్ద శబ్దం వచ్చి తనను మేల్కొల్పిందని, కంకరలో సగం కూరుకుపోయానని ప్రాణాలతో బయటపడిన వ్యక్తి చెప్పాడు.  కంకర కింద చాలా మంది చిక్కుకుపోయారు. టిప్పర్ లారీ ఎదురుగా వచ్చింది. నేను బస్సు ఎడమ వైపున కూర్చున్నాను. మేము దిగగలిగాము, కానీ డ్రైవర్ వెనుక కూర్చున్న వారు రాలేకపోయారు. వారిలో కొందరు చనిపోయారు. నేను కండక్టర్ వెనుక మూడు వరుసలలో కూర్చున్నానని ఆయన మీడియాకు చెప్పారు.