అమరావతి: ఆంధ్రప్రదేశ్‌లోని ఏలూరు జిల్లాలో సోమవారం ఆగి ఉన్న కంటైనర్ లారీని కారు ఢీకొనడంతో ఒకే కుటుంబంలోని ముగ్గురు వ్యక్తులు మృతి చెందగా, మరో ఇద్దరు గాయప డ్డారు. ద్వారకా తిరుమల మండలం లక్ష్మీనగర్‌ సమీపంలో హైవేపై రోడ్డు పక్కన ఆగి ఉన్న లారీని కారు ఢీకొనడంతో ఈ ప్రమాదం జరిగింది. హైదరాబాద్‌లోని ఓ సాఫ్ట్‌వేర్ కంపెనీలో ఇంటర్వ్యూకు వెళ్లి ఇంటికి తిరిగి వస్తున్న ఓ యువతి టెక్కీ, ఆమె తల్లి, కొడుకు మృతి చెందారు. రాచాబత్తుని భాగ్యశ్రీ(26) కుటుంబ సమేతంగా తూర్పుగోదావరి జిల్లా రాజవోలుకు తిరిగి వస్తోంది. ఆమె రెండేళ్ల కుమారుడు రాచబత్తుని నాగ నితిన్ కుమార్, తల్లి బొమ్మ కమలాదేవి (53) కూడా అక్కడికక్కడే మృతి చెందారు. భాగ్యశ్రీ మరో కుమారుడు నాగ షణ్ముఖ్, డ్రైవర్ వంశీ గాయపడగా ఇద్దరినీ ఏలూరు ఆస్పత్రికి తరలించారు. ఈ ఘటనపై కేసు నమోదు చేసుకున్న పోలీసులు మృతదేహాలను స్వాధీనం చేసుకుని శవపరీక్ష నిమిత్తం మార్చురీకి తరలించారు.