హైదరాబాద్: కూకట్‌పల్లిలోని ఖైత్లాపూర్ గ్రౌండ్స్‌లో జరగనున్న ప్రభాస్ 'రాజా సాబ్' సినిమా ప్రీ-రిలీజ్(Raja Saab Movie Pre Release Event) కార్యక్రమం దృష్ట్యా, వాహనాల రాకపోకలు సజావుగా సాగేలా, ప్రజల భద్రతను నిర్ధారించడానికి హైదరాబాద్ ట్రాఫిక్ పోలీసులు ట్రాఫిక్ సలహాను జారీ చేశారు. సాయంత్రం 5:00 గంటల నుండి కూకట్‌పల్లి-ఖైత్లాపూర్ గ్రౌండ్స్ ప్రాంతానికి ప్రయాణికులు రాకుండా ఉండాలని సూచించారు. ఎందుకంటే పెద్ద సంఖ్యలో జనం గుమిగూడే అవకాశం ఉన్నందున భారీ ట్రాఫిక్ రద్దీ, మళ్లింపులు జరిగే అవకాశం ఉందని తెలిపారు. విధుల్లో ఉన్న ట్రాఫిక్ పోలీసు సిబ్బంది జారీ చేసిన సూచనలను పాటించాలని కోరారు. ప్రజలు తమ ప్రయాణాలను అందుకు అనుగుణంగా ప్లాన్ చేసుకోవాలని, అందరికీ సురక్షితమైన, ఇబ్బందులు లేని ప్రయాణాన్ని నిర్ధారించడానికి సహకరించాలని ట్రాఫిక్ పోలీసులు విజ్ఞప్తి చేశారు.

నివారించాల్సిన మార్గాలు

* మూసాపేట్ ➝ హఫీజ్‌పేట్, KPHB

* మాదాపూర్ ➝ కైతలాపూర్ గ్రౌండ్స్ (ఫ్లై ఓవర్ ద్వారా)

* హఫీజ్‌పేట్, KPHB ➝ మూసాపేట్

* కూకట్‌పల్లి IDL సరస్సు ➝ కైతలాపూర్ ఫ్లైఓవర్ రూట్