హైదరాబాద్: సినీనటి, భారతీయ జనతా పార్టీ (Bharatiya Janata Party) నాయకురాలు కరాటే కళ్యాణి(Karate Kalyani) ఆరోపణల నేపథ్యంలో యూట్యూబర్ అన్వేష్‌పై పోలీసులు కేసు నమోదు చేశారు. హిందూ దేవతలను అవమానించాడని ఆరోపిస్తూ కళ్యాణి పంజాగుట్ట పోలీస్ స్టేషన్‌లో(Panjagutta Police Station) ఫిర్యాదు చేశారు. ఆమె ఫిర్యాదుకు స్పందనగా, పోలీసులు భారతీయ శిక్షాస్మృతిలోని వివిధ సెక్షన్లతో పాటు, బీఎన్ఎస్ సెక్షన్లు 352, 79, 299, ఇన్ఫర్మేషన్ టెక్నాలజీ చట్టంలోని సెక్షన్ 67 కింద కేసు నమోదు చేసినట్లు పోలీసులు తెలిపారు.

పంజాగుట్ట పోలీస్ స్టేషన్ అధికారులు అన్వేష్‌కు(YouTuber Anvesh ) త్వరలోనే నోటీసు జారీ చేయనున్నట్లు తెలిపారు. అన్వేష్ చేసిన వివాదాస్పద వ్యాఖ్యలకు సంబంధించి తెలంగాణ వ్యాప్తంగా అతనిపై అనేక ఫిర్యాదులు వెల్లువెత్తడంతో పరిస్థితి తీవ్రరూపం దాల్చింది. ఈ పరిణామాల నేపథ్యంలో, హిందూ సంఘాలు అన్వేష్‌ను దేశద్రోహిగా ప్రకటించాలని, అతన్ని భారతదేశానికి తిరిగి రప్పించాలని డిమాండ్ చేస్తున్నాయి. అన్వేష్ 'నా అన్వేషణ' యూట్యూబ్ ఛానల్ నిర్వహిస్తున్న విషయం తెలిసిందే.