ప్రభుత్వ ఆసుపత్రికి త్వరలో కొత్త ఎక్స్-రే మిషన్

డిసిహెచ్ఓ రాజశేఖర్ 

విజయక్రాంతి కథనానికి స్పందించిన ఉన్నతాధికారులు 

నంగునూరు : నంగునూరు ప్రభుత్వ ఆసుపత్రి(Nangunuru Government Hospital) సమస్యలపై ‘విజయక్రాంతి’ పత్రికలో వచ్చిన కథనానికి వైద్యారోగ్య శాఖ(Department of Medical and Health) ఉన్నతాధికారులు స్పందించారు. డిసీహెచ్‌ఓ రాజశేఖర్ నంగునూరు ప్రభుత్వ ఆసుపత్రిని సందర్శించారు.సిబ్బందితో కలసి సమీక్ష సమావేశం నిర్వహించారు.

పనిచేయని ఎక్స్-రే మిషన్‌ను టెక్నీషియన్‌తో పరిశీలింపజేయగా మరమ్మతులకు పనికిరాదని తేలిందని,కొత్త మిషన్ కోసం ప్రతిపాదనలు పంపామని ఆయన తెలిపారు.తాత్కాలికంగా వేరే ప్రభుత్వ ఆసుపత్రి నుంచి మిషన్ రప్పించి సేవలు అందిస్తామని పేర్కొన్నారు. గైనకాలజిస్ట్ విధుల్లో చేరారని, ప్రసవ సేవలు అయ్యేలా చర్యలు చేపడతామన్నారు.