కొమిరిశెట్టి దివ్యకు ఎంజియూ డాక్టరేట్

16-11-2026 | 09:36pm

నల్లగొండ, నవంబర్ 16 (విజయక్రాంతి) :  న‌ల్ల‌గొండ‌లోని మహాత్మాగాంధీ విశ్వవిద్యాలయం(Mahatma Gandhi University) రసాయన శాస్త్ర విభాగ పరిశోధకురాలు కొమిరిశెట్టి దివ్య డాక్టరేట్ (పీహెచ్‌డీ) పట్టా పొందింది. “స్టడీస్ ఆన్ బయో యాక్టివ్ నైట్రోజన్ హెటెరోసైకిల్స్: సింథసిస్ అండ్ బయోలాజికల్ ఎవాల్యుయేషన్ ఆఫ్ (ఆక్సజోల్-2-ఐల్) పిరిమిడిన్ అనలాగ్స్” అనే అంశంపై ఆమె చేసిన పరిశోధనకు గాను డాక్ట‌రేట్ ల‌భించింది.

నూతన ఆక్సజోల్-2-యిల్ పిరిమిడిన్ అనలాగ్స్‌ను సంశ్లేషణ చేసి, వాటి వివిధ జీవ క్రియాశీలతలను అధ్యయనం, ముఖ్యంగా క్యాన్సర్ నిరోధక లక్షణాలపై ప్రత్యేక దృష్టి సారించింది. ప్రొఫెసర్ వసంత మిట్టపెల్లి పర్యవేక్షణలో తన పరిశోధనా సిద్ధాంత గ్రంథాన్ని సమర్పించింది. ఈ సందర్భంగా వర్సిటీ వీసీ ఖాజా అల్తాఫ్ హుస్సేన్, రిజిస్టర్ కొప్పుల అంజిరెడ్డి, అధ్యాపకులు, అధ్యాపకేతర సిబ్బంది దివ్యకు అభినంద‌నలు తెలిపారు.

మరిన్ని వార్తలు