- క్రీడారంగ అభివృద్ధికి సీఎం రేవంత్‌రెడ్డి తీసుకుంటున్న నిర్ణయం ప్రశంసనీయం

- క్రికెట్ మాజీ కెప్టెన్ కపిల్‌దేవ్    

హైదరాబాద్, జులై 7 (విజయక్రాంతి): క్రీడారంగం అభివృద్ధికి ముఖ్యమంత్రి రేవంత్‌రెడ్డి నేతృత్వంలో తెలంగాణ ప్రభుత్వం తీసుకుంటున్న చర్యలను భారత క్రికెట్ జట్టు మాజీ కెప్టెన్ కపిల్‌దేవ్ ప్రశంసించారు. సీఎం రేవంత్‌రెడ్డిని సోమవారం ఢిల్లీలోని సీ ఎం అధికార నివాసంలో కపిల్‌దేవ్ కలిశారు.

ఈ సందర్భంగా తెలంగాణలో యంగ్ ఇండియా స్పోర్ట్స్ యూనివర్సిటీ, క్రీడాభివృద్ధికి రాష్ట్ర ప్రభుత్వం తీసుకుంటున్న అం శాలపై కపిల్‌దేవ్‌కు సీఎం రేవంత్‌రెడ్డి వివరించారు. యంగ్ ఇండియా స్పోర్ట్స్ యూని వర్సిటీతో పాటు తెలంగాణలో క్రీడాభివృద్ధికి సంబంధించిన అన్ని విషయాల్లో తాను భాగస్వామినవుతానని కపిల్‌దేవ్ సీఎం రేవంత్‌రెడ్డికి హామీ ఇచ్చారు.

దక్షిణకొరియాతో పాటు పలు దేశాల్లో సందర్శించి.. క్రీడా యూనివర్సిటీలు, అక్కడి క్రీడా ప్రముఖులతో నిర్వహించిన భేటీల వివరాలను సీఎంకు కపిల్‌వివరించారు. సీఎం ప్రత్యేక కార్యదర్శి అజిత్‌రెడ్డి, కేంద్ర పథకాల సమన్వయకర్త గౌరవ్ ఉప్పల్ పాల్గొన్నారు.