జగిత్యాల అర్బన్, ఆగస్టు 29 (విజయక్రాంతి): వర్షాకాలంలో వచ్చే సీజనల్ వ్యాధుల పట్ల అప్రమత్తంగా ఉండాలని జిల్లా కలెక్టర్ సత్య ప్రసాద్ అధికారులను ఆదేశించారు. శుక్రవారం జగిత్యాల జిల్లా ధర్మపురి మండల కేంద్రంలోని సామాజిక ఆరోగ్య కేంద్రం ను కలెక్టర్ ఆకస్మికంగా తనిఖీ చేసారు.

ఈ సందర్భంగా జిల్లా కలెక్టర్ సత్య ప్రసాద్ సామాజిక ఆరోగ్య కేంద్రంలో ల్యాబ్ లో జరుగుతున్న వైద్య పరీక్షల వివరాలను, స్టాఫ్ అటెండెన్స్ రిజిస్టర్ లను పరిశీలించారు. ఫార్మసీ విభాగంలో అవసరమైన మందులు అందుబాటులో ఉన్నాయో లేదో అడిగి తెలుసుకున్నారు. రోగులకు కావలసిన  మందులు. (మెడిసిన్) అందుబాటులో ఉండేలా చూడాలని వైద్యులను ఆదేశించారు. ఆసుపత్రిలో ఎంత మంది ఇన్ ఔట్ పేషెంట్లు వస్తున్నారో ఆరా తీశారు. 

సీజనల్ వ్యాధుల పట్ల అప్రమత్తంగా ఉండాలని, ఔట్ పేషంట్ లలో వ్యాధి లక్షణాలు ఉన్న ప్రతి ఒక్కరికి తప్పనిసరిగా పరీక్షలు నిర్వహించాలని. రోగి లక్షణాలు రికార్డు చేయాలని, ముందస్తుగా వ్యాధి నిర్ధారణ జరిగితే మెరుగైన వైద్య చికిత్స అందించేందుకు అవకాశం ఉంటుందని జిల్లా కలెక్టర్ తెలిపారు. ఆసుపత్రి సిబ్బంది సకాలంలో విధులకు హాజరు కావాలని , సమయ పాలన పాటించాలని అన్నారు.ఈ తనిఖీలో జిల్లా కలెక్టర్ వెంట, తహసిల్దార్ ఎంపీడీ , జిల్లా వైద్యాధికారి డాక్టర్ ప్రమోద్ కుమార్, ఆర్ ఎం ఓ డాక్టర్ రామకృష్ణ సంబంధిత అధికారులుపాల్గొన్నారు.