మదురోను విడిచిపెట్టాలని చైనా డిమాండ్

బీజింగ్: అమెరికా కారకాస్‌పై దాడి చేసి వెనిజులా అధ్యక్షుడు నికోలస్ మదురోను(Venezuelan President Nicolás Maduro) బంధించిన తర్వాత, అతడిని తక్షణమే విడుదల చేయాలని చైనా ఆదివారం యునైటెడ్ స్టేట్స్‌ను కోరింది. "అధ్యక్షుడు నికోలస్ మదురో, అతని భార్య వ్యక్తిగత భద్రతను నిర్ధారించాలని, వారిని వెంటనే విడుదల చేయాలని, వెనిజులా ప్రభుత్వాన్ని కూల్చివేసే చర్యలను ఆపాలని చైనా అమెరికాను కోరుతోంది" అని చైనా విదేశాంగ మంత్రిత్వ శాఖ ఒక ప్రకటనలో పేర్కొంది. ఈ దాడిని అంతర్జాతీయ చట్టాన్ని స్పష్టంగా ఉల్లంఘించడమని పేర్కొంది. నికోలస్ మదురో వెనిజులాకు అధ్యక్షుడని డెల్సీ రోడ్రిగ్జ్ శనివారం అన్నారు. సైనిక చర్యలో అరెస్టు చేసిన మదురో విడుదల చేయాలని అమెరికాను డిమాండ్ చేశారు. వేగంగా కదులుతున్న రాజకీయ పరిణామాలతో వెనిజులా అతలాకుతలం అవుతున్నందున, స్పేస్‌ఎక్స్ యాజమాన్యంలోని స్టార్‌లింక్ పరిమిత కాలానికి ఉచిత బ్రాడ్‌బ్యాండ్ ఇంటర్నెట్ సేవలను అందిస్తున్నట్లు ప్రకటించడంతో బిలియనీర్ ఎలోన్ మస్క్ ఆదివారం వెనిజులా ప్రజలకు మద్దతు తెలిపారు.