వారణాసి: 2036 ఒలింపిక్ క్రీడలకు(2036 Olympics) ఆతిథ్యం ఇవ్వడానికి భారత్ పూర్తి శక్తితో సన్నద్ధమవుతోందని ఆదివారం ప్రధాని నరేంద్ర మోదీ(PM Narendra Modi) ఉద్ఘాటించారు. దేశంలో భారీ క్రీడా కార్యక్రమాలను నిర్వహించడం ద్వారా ఎక్కువ మంది క్రీడాకారులకు పోటీపడటానికి మరిన్ని అవకాశాలను కల్పించడానికి తన ప్రభుత్వం కట్టుబడి ఉందని తెలిపారు. ప్రకటించారు.

వారణాసిలో జరుగుతున్న 72వ సీనియర్ జాతీయ వాలీబాల్ ఛాంపియన్‌షిప్(72nd National Volleyball Tournament) ప్రారంభోత్సవ కార్యక్రమంలో వీడియో కాన్ఫరెన్స్ ద్వారా ప్రసంగిస్తూ మోదీ మాట్లాడుతూ, వర్ధమాన క్రీడాకారులకు ఒలింపిక్ క్రీడలను చేపట్టేందుకు అవసరమైన అవకాశాలను కల్పించడానికి ప్రభుత్వం అన్ని విధాలా ప్రయత్నాలు చేస్తోందని, ఖేలో ఇండియా(Khelo India) వంటి పథకాలు ప్రతిభను వెలికితీయడంలో విప్లవాత్మక మార్పులు తీసుకువస్తున్నాయన్నారు. 2030 కామన్వెల్త్ క్రీడలు భారతదేశంలో జరుగుతాయి. ఎక్కువ మంది క్రీడాకారులకు పోటీపడటానికి మరిన్ని అవకాశాలు కల్పించాలనే లక్ష్యంతో, 2036 ఒలింపిక్స్‌కు ఆతిథ్యం ఇవ్వడానికి దేశం గట్టి ప్రయత్నాలు చేస్తోందని మోదీ పేర్కొన్నారు.