బెల్లంపల్లి (విజయక్రాంతి): బెల్లంపల్లి నియోజకవర్గంలోని కన్నెపల్లి మండలం సాలింగాం గ్రామంలో గత రెండు రోజులుగా ఏకధాటిగా కురుస్తున్న వర్షాలకు పిపి రావు ప్రాజెక్ట్ నుండి చేరిన బ్యాక్ వాటర్ ను బుధవారం జిల్లా కలెక్టర్ దీపక్ కుమార్(District Collector Deepak Kumar) పరిశీలించారు. ముంపుకు గురైన సాలిగాం గ్రామంలో పర్యటించి అక్కడి పరిస్థితిని తెలుసుకున్నారు. వరద ముంపు ఉన్న సాలిగాం గ్రామంలో ప్రజలు అప్రమత్తంగా ఉండాలని సూచించారు. అధికారులు ఎప్పటికప్పుడు సహాయక చర్యలు తీసుకునేందుకు సిద్ధంగా ఉండాలని కలెక్టర్ దీపక్ కుమార్ ఆదేశించారు.