-కేర్ హాస్పిటల్స్ డాక్టర్ పీసీ గుప్తా

-నెలరోజులపాటు అవగాహన కార్యక్రమాలు 

హైదరాబాద్ సిటీ బ్యూరో, నవంబర్ 3 (విజయక్రాంతి): ప్రపంచ మధు మేహ దినోత్సవం (నవంబర్ 14)కు ముందు కేర్ హాస్పిటల్స్ హైదరాబాద్ వ్యా ప్తంగా నెలరోజులపాటు డయాబెటిస్ అవగాహన కార్యక్రమాన్ని ప్రారంభించింది. మధుమేహాన్ని ముందుగానే గుర్తించడం, నివారించడం, తగిన సంరక్షణ తీసుకోవడం, అలాగే మధుమేహం వల్ల కలిగే సమస్యలు  ముఖ్యంగా డయాబెటిక్ పాదం వంటి తీవ్రమైన పరిణామాలపై ప్రజల్లో అవగాహన పెంచడం ఈ కార్యక్రమం ముఖ్య ఉద్దేశమని కేర్ హాస్పిటల్స్ వాస్కులర్, ఎండోవాస్కులర్ సర్జరీ, వాస్కులర్ ఐఆర్ విభాగం క్లినికల్ డైరెక్టర్, విభాగాధిపతి డాక్టర్ పి.సి. గుప్తా వివ రించారు.

ఈ సందర్భంగా ఆయన మాట్లాడుతూ.. “నివాస ప్రాంతాలు, ఐటీ పార్కులు, మాల్స్ల్‌లో ఉచిత డయాబెటిస్ స్క్రీనింగ్ శిబిరాలు, ఉద్యోగుల కోసం మీ చక్కెరను తెలు సుకోండి కార్యాలయ అవగాహన కార్యక్రమాలు, అలాగే పిల్లల్లో ఆరోగ్యకరమైన జీవ నశైలిని ప్రోత్సహించేందుకు ఆరోగ్యకరమైన టిఫిన్ పాఠశాల సెషన్లు నిర్వహించబడుతున్నాయి. ఇంటర్నేషనల్ డయాబెటిస్ ఫెడరే షన్ విడుదల చేసిన డయాబెటిస్ అట్లాస్ 2025 నివేదిక ప్రకారం, ప్రపంచవ్యాప్తంగా సుమారు 589 మిలియన్ల మంది పెద్దలు (2079 ఏళ్లు) మధుమేహంతో బాధపడుతున్నారు.

అంటే, ప్రతి తొమ్మిది మందిలో ఒకరికి మధుమేహం ఉంది. మధుమేహం ఉన్నవారిలో 19 నుంచి 34 శాతం మంది తమ జీవితంలో ఏదో దశలో పాదాల పుండుతో బాధపడతారని అధ్యయనాలు చెపుతున్నాయి. సకా లంలో సరైన సంరక్షణ తీసుకోకపోతే, ఈ పుండ్లు ఇన్ఫెక్షన్కి దారి తీసి విచ్ఛేదన వరకు చేరే ప్రమాదం ఉందని వైద్యులు హెచ్చరిస్తున్నారు. డయాబెటిక్ పాదం అనేది డయా బెటిస్ వల్ల వచ్చే అత్యంత నిర్లక్ష్యం చేయబడిన కానీ అత్యంత ప్రమాదకరమైన సమ స్యల్లో ఒకటి. ఇది మొదట తిమ్మిరి, చిన్న గాయాలు లేదా రక్తప్రసరణ తగ్గడం వంటి లక్షణాలతో నిశ్శబ్దంగా ప్రారంభమవుతుంది.

కానీ దీన్ని నిర్లక్ష్యం చేస్తే, ఇది త్వరగా ఇన్ఫెక్షన్, గ్యాంగ్రీన్ అవయవ నష్టం వరకు దారితీస్తుంది. డయాబెటిస్తో బాధపడుతున్న నలుగురిలో ముగ్గురు, తమ అనారోగ్యం వల్ల ఆందోళన, నిరాశ లేదా ఇతర మానసిక సమస్యలను ఎదుర్కొంటున్నారు. అలాగే, ఐదుగురిలో నలుగురు ‘డయాబెటిస్ బర్నౌ ట్’ అనుభవిస్తున్నారని తెలిపారు.  అంటే, ఆహారం, మందులు, జీవనశైలిని ఎప్పటికప్పుడు జాగ్రత్తగా నియంత్రించాల్సిన పరిస్థితి వల్ల కలిగే మానసిక అలసట.

ఈ వివరాలు చెబుతున్నాయి. డయాబెటిస్ అనేది కేవలం ఒక వైద్య సమస్య కాదు, జీవితాంతం అవగాహనతో, జీవనశైలిలో మార్పులతో ఎదు ర్కోవాల్సిన సవాలు. ఈ ప్రచారం వరల్ హెల్త్ ఆర్గనైజేషన్ ప్రపంచ మధుమేహ దినోత్సవం 2025 థీమ్  జీవిత దశలలో మధు మేహంకు అనుగుణంగా ఉంటుంది. ఇది అన్ని  వయసుల వారికి మధుమేహంపై అవగాహన, నివారణ, అలాగే సమగ్ర మధుమేహ సంరక్షణ అందించడంలో కేర్ హాస్పిటల్స్ కట్టుబాటును మరోసారి తెలియజేస్తుంది” అన్నారు.