హైదరాబాద్: మొంథా తుపాన్ ప్రభావం(Severe Cyclone Montha) విమాన సర్వీసులకు పడింది. శంషాబాద్ నుంచి ఆంధ్రప్రదేశ్ కు వెళ్లాల్సిన 18 విమానాలు(Flights cancelled) రద్దు అయ్యాయి. శంషాబాద్ నుంచి విజయవాడ, విశాఖపట్నం, రాజమండ్రికి వెళ్లాల్సిన విమానాలను రద్దు చేస్తున్నట్లు అధికారులు పేర్కొన్నారు. విజయవాడ, విశాఖ పట్నం, రాజమండ్రి నుంచి శంషాబాద్ రావాల్సిన విమానాలను కూడా రద్దు చేశారు. మొంథా తుపాన్ కారణంగా విమాన సర్వీసులు రద్దు చేసినట్లు అధికారులు పేర్కొన్నారు. రద్దు అయిన విమానాల్లో ఎయిర్ ఇండియా ఎక్స్ ప్రెస్(Air India Express), ఇండిగో విమానాలు ఉన్నాయి. తీవ్రమైన మొంథా తుఫాను కారణంగా విశాఖపట్నం విమానాశ్రయం నుండి నడుస్తున్న 32 విమానాలను రద్దు చేయబడ్డాయి. విశాఖపట్నం విమానాశ్రయం డైరెక్టర్ ఎన్. పురుషోత్తం మాట్లాడుతూ... అక్టోబర్ 27న రెండు ఎయిర్ ఇండియా ఎక్స్‌ప్రెస్ విమానాలు రద్దు చేయబడ్డాయని అన్నారు. "వాస్తవానికి, మేము రోజుకు దేశీయంగా, అంతర్జాతీయంగా 30 నుండి 32 విమానాలను నడుపుతున్నాము. నేడు, ఆ విమానాలన్నీ రద్దు చేయబడ్డాయి" అని పురుషోత్తం మీడియాకి తెలిపారు. సోమవారం రద్దు చేయబడిన రెండు ఎయిర్ ఇండియా ఎక్స్‌ప్రెస్ విమానాలు కాకుండా, మిగిలిన 30 విమానాలు అక్టోబర్ 27న నడిచాయని ఆయన చెప్పారు.

అంతేకాకుండా, ఎయిర్‌పోర్ట్స్ అథారిటీ ఆఫ్ ఇండియా (Airports Authority of India) మార్గదర్శకాల ప్రకారం, తుఫానుకు ముందు, తుఫాను తర్వాత దశలను కవర్ చేస్తూ, తీవ్రమైన తుఫాను నుండి విమానాశ్రయాన్ని రక్షించడానికి జాగ్రత్తలు తీసుకున్నట్లు పేర్కొన్నారు. అదేవిధంగా, విజయవాడ విమానాశ్రయం మంగళవారం 16 విమానాలను రద్దు చేసింది. కానీ ఐదు విమానాలను నడపగలిగింది. "నిన్న వైజాగ్‌కు ఒకే ఒక విమానం రద్దు చేయబడింది. కానీ ఈరోజు దేశవ్యాప్తంగా ఢిల్లీ, ముంబైతో సహా వివిధ గమ్యస్థానాలకు 16 విమానాలు రద్దు చేయబడ్డాయి" అని విజయవాడ విమానాశ్రయ డైరెక్టర్ లక్ష్మీకాంత్ రెడ్డి తెలిపారు. ఈరోజు కార్యకలాపాలను నిలిపివేయాలని విమానయాన సంస్థలు నిర్ణయం తీసుకున్నాయని, రేపటి విమాన కార్యకలాపాల గురించి సాయంత్రం నాటికి స్పష్టత రావచ్చని ఆయన తెలిపారు. అదేవిధంగా, తిరుపతి విమానాశ్రయంలో నాలుగు విమానాలు రద్దు చేయబడ్డాయి. 

మంగళవారం కాకినాడ సమీపంలోని మచిలీపట్నం- కళింగపట్నం(Machilipatnam- Kalingapatnam) మధ్య ఆంధ్రప్రదేశ్ తీరాన్ని దాటే అవకాశం ఉన్న తీవ్ర తుఫాను ప్రభావంతో తూర్పు తీర రైల్వే, దక్షిణ-మధ్య రైల్వే జోన్‌ల అధికారులందరూ హై అలర్ట్‌లో ఉండాలని, రైలు సేవలను త్వరగా పునరుద్ధరించడానికి ముందస్తు చర్యలు తీసుకోవాలని రైల్వే మంత్రి అశ్విని వైష్ణవ్ ఆదేశించారు. మొంథా తుఫాను సమీపిస్తున్న దృష్ట్యా ప్రయాణీకుల భద్రత, రైలు కార్యకలాపాలను నిర్ధారించడానికి, ఇప్పటివరకు 42 రైళ్లను రద్దు చేసి, పలు రైళ్లను దారి మళ్లించారు.