జోనల్ కమిషనర్ హేమంత్ బోర్ఖడే 

శేరిలింగంపల్లి, ఆగస్ట్ 28: రానున్న గణేశ్ నిమజ్జనాలకు సంబంధించి అన్ని ఏర్పాట్లను ముందస్తుగా ఖచ్చితంగా పూర్తి చేయాలని జోనల్ కమిషనర్ హేమంత్ బోర్ఖడే అధికారులకు ఆదేశించారు. గురువారం ఆయన శేరిలింగంపల్లి జోన్ పరిధిలో పలు ప్రాంతాలను క్షేత్రస్థాయిలో పర్యటించి, శానిటేషన్, రహదారుల పరిస్థితి, చెరువుల సన్నద్ధతను పరిశీలించారు. ఉత్సవాలు శాంతియుతంగా, ఆహ్లాదకర వాతావరణంలో సాగేందుకు సంబంధిత విభాగాలు సమన్వయంతో పని చేయాలని సూచించారు.

పారిశుద్ధ్య నిర్వహణలో ఎలాంటి లోపాలూ ఉండకూడదని, శానిటేషన్ సిబ్బంది నిరంతర పర్యవేక్షణలో ఉండాలని స్పష్టం చేశారు. దుర్గం చెరువు, మల్కం చెరువు, గోపి చెరువు, నల్లగండ్ల చెరువులను ఆయన పరిశీలించారు. సాకి చెరువు వద్ద ఉన్న బేబీ పాండ్ను గణేశ్ నిమజ్జనం కొరకు సిద్ధం చేయాలని ఆదేశించారు. గంగారం చెరువు పరిసరాల్లో డెంగ్యూ కేసులు బయటపడ్డ నేపథ్యంలో, ఎంటమాలజీ శాఖ తగిన చర్యలు చేపట్టాలని, నివేదికలను ప్రధాన కార్యాలయం మరియు జోనల్ కార్యాలయానికి క్రమం తప్పకుండా పంపాలని సూచించారు.

గంగారం చెరువులో సిల్టింగ్ పనులను అత్యవసర ప్రాతిపదికన పూర్తి చేసి, చెరువు నుండి తీసిన వ్యర్థాలను తక్షణం తొలగించాలన్నారు. డార్క్ స్పాట్స్ వద్ద పోలీసులు బందోబస్తు కల్పించాలని, వినాయక నిమజ్జనం ర్యాలీలు సజావుగా సాగేందుకు రహదారులను మరమ్మతులు చేసి, బీటీ రోడ్లపై అవసరమైన డిడిఏం పనులు చేయాలని ఇంజనీరింగ్ విభాగానికి ఆదేశాలు జారీ చేశారు. నిమజ్జన ప్రదేశాల్లో భక్తులకు మౌలిక వసతులు తప్పనిసరిగా అందించాలని అత్యవసరంగా సూచించారు. ఈ పర్యటనలో శానిటేషన్, లేక్స్, ఇంజనీరింగ్ తదితర విభాగాల అధికారులు జోనల్ కమిషనర్తో కలసి పాల్గొన్నారు.

గణపతి నిమజ్జన ఏర్పాట్ల పరిశీలన

గచ్చిబౌలి, ఆగస్టు 28: రానున్న గణేశ్ ఉత్సవాల నిమజ్జనానికి కావాల్సిన అన్ని ఏర్పాట్లు ముందుగానే పూర్తి చేయాలని అధికారులకు ఆదేశాలు జారీ అయ్యాయి. గురువారం శేరిలింగంపల్లి జోన్ పరిధిలో పర్యటించిన జోనల్ కమిషనర్ హేమంత్ బోర్ఖడే ఐఏఎస్, శానిటేషన్ పరిస్థితులు, రోడ్ల స్థితి, చెరువులను పరిశీలించి సూచనలు చేశారు. ఆగస్టు 27 నుంచి సెప్టెంబర్ 7 వరకు జరిగే ఉత్సవాలు సజావుగా, ఆహ్లాదకరంగా జరగాలని సమన్వయంతో అన్ని ఏర్పాట్లు పూర్తి చేయాలని అధికారులను ఆదేశించారు.

పారిశుద్ధ్య నిర్వహణలో ఎలాంటి లోపాలు లేకుండా నిరంతరం పర్యవేక్షించాలని ఆదేశించారు. ఈ సందర్భంగా దుర్గం చెరువు, మల్కం చెరువు, గోపి చెరువు, నల్లగండ్ల చెరువులను పరిశీలించారు. సాకి చెరువు వద్ద గల బేబీ పాండ్ ను నిమజ్జనం కోసం సిద్ధం చేయాలని సూచించారు. గంగారం చెరువు పరిసరాల్లో డెంగ్యూ కేసులు నమోదవడంతో తక్షణ చర్యలు తీసుకోవాలని ఎంటమాలజీ శాఖకు ఆదేశించా రు.

చెరువులోని వాటర్ హై సిల్టింగ్ తొలగించి, వ్యర్థాలను వారం రోజుల్లో తొలగించాలని స్పష్టం చేశారు. నిమజ్జన ప్రదేశాల్లో భక్తులకు మౌలిక వసతులు కల్పించాలని, డార్క్ స్పాట్స్ వద్ద పోలీస్ బందోబస్తు ఏర్పాటు చేయాలని ఆదేశించారు. విగ్రహాల ర్యాలీ రహదారులు బాగుండేలా, పాట్ హోల్స్ వెంటనే పూడ్చాలని, ప్రొసీషన్ రూట్లలో బిటి రోడ్లపై డిడిఏం లేయర్ పనులు చేపట్టాలని సూచించారు. ఈ తనిఖీలో శానిటేషన్, లేక్స్, ఇంజనీరింగ్ తదితర విభాగాల అధికారులు పాల్గొన్నారు.