జిందగీ, ఓ జిందగీ !

నీ మీద నాకు చాలా ఫిర్యాదులున్నాయి 

కానీ, నిన్ను వదులుకోలేను

నిజానికి నీవు, నన్నేమీ తక్కువ బాధపెట్టలేదు

నీవు నన్ను ప్రేమించకపోయినా,

నీవు లేనిది, ఒంటరిగా ప్రయాణం చేయలేను

******

ఈ పోరాటాలు ఎందుకని, ఎవరూ అడగరు 

ఆకలి తెలిస్తే, అడిగిన వాడికి నిద్రపట్టదు

******

కాస్తా ఓపికపట్టు, ఆ ఒడ్డుకు చేరుతాను 

అలలకు, అడ్డు రావడం అలవాటైంది కదా,

అందుకే, పడవ సాగడానికి కొంచెం టైం పడుతుంది 

******

నా గుండె నీ దగ్గరే వుండిపోయింది 

నా శ్వాస నీ వెంటే నడుస్తోంది

నీ వద్దకు రావడానికి 

ఏ దారిని ఎక్కడని వెదకాలి.

నా చూపు నీ నిరీక్షణలోనే నిలిచిపోయింది !

నీవు లేకుండా జీవించలేనని కాదు,

నీవు లేకపోతే నాకు జీవితమే లేదు

******

జీవితం ఒక స్వప్నం, ఒక అశ్రు కణం 

దాన్ని బుజ్జగించేటప్పుడు తెలుసుకోవాల్సింది ఒకటుంది 

అది మనమీద అలిగిందా,

లేక మనతో విసిగిపోయిందా అనీ!

******

ఆఖరున ఒక మాట చెబుతాను 

నీకు కనిపించే నేను, 

అసలైన నేను కాను !