హైదరాబాద్: తెలంగాణ రాష్ట్రంలో వచ్చే నాలుగు రోజుల పాటు వర్షాలు కురిసే అవకాశముందని భారత వాతావరణ శాఖ (India Meteorological Department) ప్రకటించింది. తేలికపాటి నుంచి మోస్తరు వర్షాలు కురుస్తాయని వెల్లడించింది. ఉత్తర తెలంగాణ(North Telangana) జిల్లాల్లో అక్కడక్కడ భారీ వర్షాలు కురిసే అవకాశముందని చెప్పింది. తెలంగాణలో వచ్చే  నాలుగు రోజుల పాటు మేఘావృతమైన వాతావరణం ఉంటుందని వాతావరణ శాఖ అధికారులు పేర్కొన్నారు. రాష్ట్రంలోకి నైరుతి రుతుపవనాలు ప్రవేశానికి అనుకూల పరిస్థితులు ఉన్నాయని తెలిపింది. ఈ నెలాఖరుకు లేదా జూన్ మొదటి వారంలో రాష్ట్రానికి నైరుతి రుతుపవనాలు(Southwest monsoon) రానున్నాయి.