భర్త.. విజ్ఞప్తి వినోదాత్మకంగా

రవితేజ హీరోగా కిషోర్ తిరుమల దర్శకత్వంలో సుధాకర్ చెరుకూరి ఎస్‌ఎల్‌వీ సినిమాస్ బ్యానర్‌పై నిర్మిస్తున్న ఫ్యామిలీ ఎంటర్‌టైనర్ ‘భర్త మహాశయులకు విజ్ఞప్తి’. ఇందులో ఆషికా రంగనాథ్, డింపుల్ హయతి హీరోయిన్లుగా నటిస్తున్నారు. ఇప్పటికే విడుదలైన టీజర్, పాటలతో సినిమాపై అంచనాలేర్పడ్డాయి. ఈ చిత్రంలో రామ సత్యనారాయణ పాత్రలో అలరించనున్నారు రవితేజ.

అయితే, తాజాగా మేకర్స్ క్రిస్మస్ విషెస్ అందిస్తూ సినిమా నుంచి స్పెషల్ పోస్టర్ రిలీజ్ చేశారు. ఈ పోస్టర్‌లో రవితేజ సాంటాక్లాజ్ లుక్‌లో ఫెస్టివ్ వైబ్‌లో కనిపించడం ఆకట్టుకుంది. అవుట్ అండ్ అవుట్ ఎంటర్‌టైన్‌మెంట్‌తో సంక్రాంతికి ప్రేక్షకులను అలరించబోతున్న ఈ సినిమా జనవరి 13న రిలీజ్ కానుంది. ఈ చిత్రానికి సంగీతం: భీమ్స్ సిసిరోలియో; డీవోపీ: ప్రసాద్ మూరెళ్ల; ఎడిటర్: శ్రీకర్ ప్రసాద్; ప్రొడక్షన్ డిజైన్: ఏఎస్ ప్రకాశ్.