సుప్రీం కోర్టులో పిటిషన్ ధాఖలు చేసిన ఎమ్మెల్యే మాజీ ఎంపీ

అదిలాబాద్,(విజయక్రాంతి): లంబాడీలను, బంజారాలను ఎస్టీ జాబితాలో నుండి తొలగించాలని కాంగ్రెస్ ఎమ్మెల్యే తెల్లం వెంకట్రావు, మాజీ ఎంపీ, కాంగ్రెస్ నాయకుడు సోయం బాపురావులు సుప్రీం కోర్టులో పిటిషన్ వేశారు. 1976కు ముందు లంబాడీలు, బంజారాలు, సుగాళీలు బీసీల జాబితాలో ఉన్నారని పిటిషన్ లో దాఖలు చేశారు.లంబాడీలు, బంజారాలు, సుగాళీలు వేరే రాష్ట్రాల నుండి వచ్చి మా హక్కులను దోచుకుంటున్నారని, తెల్లం వెంకట్రావు, సోయం బాపురావు పేర్కొన్నారు. 

1976కు ముందు ఉమ్మడి ఆంధ్రప్రదేశ్‌లోని తెలంగాణ జిల్లాలలో వీరిని ఎస్టీలుగా పరిగణించలేదని, వేరే రాష్ట్రల నుండి వచ్చి గిరిజనుల హక్కులను కొల్లగొడుతున్నారని పిటిషన్ లో దాఖలు చేశామన్నారు. దీనిపై పూర్తి వివరాలతో రిజైండర్ దాఖలు చేయాలని కేంద్ర, రాష్ట్ర ప్రభుత్వాలకు సుప్రీం కోర్టు నోటీసులు ఇచ్చి, ఆదేశాలు జారీ చేసిందన్నారు.