టేకులపల్లి (విజయక్రాంతి): ఎమ్మార్ఫీఎస్ వ్యవస్థాపక అధ్యక్షుడు మందకృష్ణ మాదిగ 60వ పుట్టినరోజు వేడుకలు టేకులపల్లి మండల(Tekulapally Mandal) కేంద్రంలో సోమవారం ఘనంగా నిర్వహించారు. ఈ సందర్బంగా మాదిగ రిజర్వేషన్ పోరాట సమితి ఏర్పడి 31 సంవత్సరాలు కావస్తున్నందున జెండా పండుగ కృష్ణ మాదిగ పుట్టినరోజు వేడుకలను భద్రాద్రి కొత్తగూడెం జిల్లా ఎమ్మార్పీఎస్ ఇన్చార్జి మచ్చ ఏడుకొండలు మాదిగ కేక్ కట్ చేసి జెండా ఆవిష్కరించారు. మంతెన ప్రభాకర్ ఆధ్వర్యంలో జరిగిన కార్యక్రమానికి సింగర్ నారా పోగు  దేవేందర్, జనక ఇఫ్తారీ, మాజీ గ్రామ సర్పంచ్ ఇస్లావత్ రెడ్యా నాయక్ హాజరయ్యారు.

మచ్చ ఏడుకొండలు మాదిగ మాట్లాడుతూ... 31 ఏళ్ల పోరాటంలో మాదిగల మహాత్ముడు మందకృష్ణ మాదిగ ఎన్నో ఆటుపోట్లకు గురై ఈరోజు జాతిని కొన్ని వందల ఏళ్ల పాటు రక్షణ కల్పించే విధంగా వర్గీకరణ తీసుకొచ్చారని కొనియాడారు. ఈ కార్యక్రమంలో ఆయన మాట్లాడుతూ.. అమరుల త్యాగం గురించి ప్రత్యేకంగా ప్రస్తావించారు. ఈ కార్యక్రమంలో పోలే పొంగు వెంకటేశ్వర్లు జినక సత్యం, జినక బాబు, సోమయ్య, గుగ్గిళ్ళ శంకర్, గుగ్గిళ్ళ వెంకన్న, బండారి శ్రీను, గుగ్గిళ్ళ మణమ్మ, జినక యశోద తదితరులు పాల్గొన్నారు.