హైదరాబాద్: ప్రముఖ టాలీవుడ్ నటుడు మంచు మోహన్ బాబు చంద్రగిరి పోలీస్ స్టేషన్ లో లైసెన్స్ డ్ గన్ అప్పగించారు. తన లైసెన్స్ డ్ గన్ ను మోహన్ బాబు డిపాజిట్ చేశారు. తన పీఆర్వో ద్వారా నిన్న మోహన్ బాబు గన్ అప్పగించారు. ఇటీవల హైదరాబాద్ పోలీసుల ఆదేశాలతో గన్ అప్పగించారు. మీడియా ప్రతినిధి రంజిత్‌పై దాడి కేసు దర్యాప్తు కీలక మలుపు తిరిగింది. నటుడు మోహన్ బాబు లైసెన్స్ తుపాకీని స్వాధీనం చేసుకునేందుకు పోలీసులు ప్రయత్నించారు. మోహన్ బాబు వాంగ్మూలాన్ని నమోదు చేయలేకపోయామని, ఆయన కుటుంబ సభ్యులు మాత్రమే అందుబాటులో ఉన్నారని అధికారులు తెలిపారు. అవసరమైతే తన తుపాకీని అప్పగిస్తానని మోహన్‌బాబు విచారణలో పోలీసులకు సమాచారం అందించారు. అయితే అతని ఆచూకీపై తమకు ఎలాంటి సమాచారం లేదని పోలీసులు పేర్కొంటున్నారు. అతని కుటుంబ సభ్యుల ప్రకారం, నటుడు వైద్యుల పర్యవేక్షణలో ఉన్నారు. మోహన్ బాబు పరారీలో ఉన్నారని సోషల్ మీడియా భారీగా ప్రచారం జరగింది. దానిపై స్పందించిన మోహన్ బాబు పోలీసులకు అన్ని విధాలుగా సహకరిస్తానని చెప్పారు.