గ్రామ అభివృద్ధికి ప్రజలు సహకరించాలి

ఎర్రపహాడ్ సర్పంచ్ గార్డుల లింగరాజు

​నూతనకల్,(విజయక్రాంతి): గ్రామ సమగ్ర అభివృద్ధికి ప్రజలందరూ భాగస్వాములు కావాలని, స్వచ్ఛందంగా సహకరించాలని మండల పరిధిలోని ఎర్రపహాడ్ గ్రామ సర్పంచ్ గార్డుల లింగరాజు కోరారు. శుక్రవారం గ్రామంలో చేపట్టిన పలు అభివృద్ధి పనులను ఆయన పర్యవేక్షించారు.​ రానున్న వేసవి కాలాన్ని దృష్టిలో ఉంచుకుని, గ్రామంలో మంచినీటి సమస్య తలెత్తకుండా సర్పంచ్ ముందస్తు చర్యలు చేపట్టారు. గ్రామంలోని పలు వీధుల్లో నూతనంగా బోర్లు వేయించారు.​

తాగునీటి సరఫరాకు ఆటంకం కలగకుండా వెంటనే మోటర్లను ఏర్పాటు చేయించారు.​ ఈ సందర్భంగా సర్పంచ్ లింగరాజు మాట్లాడుతూ... గ్రామాన్ని అన్ని రంగాలలో ఆదర్శంగా తీర్చిదిద్దడమే తన లక్ష్యమని పేర్కొన్నారు. గ్రామాన్ని అభివృద్ధి పథంలో తీసుకెళ్లేందుకు నిరంతరం కృషి చేస్తున్నానని, ప్రజల అవసరాలను గుర్తించి ఎప్పటికప్పుడు సమస్యలను పరిష్కరిస్తానని, ఈ ప్రయాణంలో ప్రజలంతా సహకారం అందించాలని ఆయన విజ్ఞప్తి చేశారు.​ ఈ కార్యక్రమంలో పంచాయతీ కార్యదర్శి సత్యవతి, వార్డు మెంబర్లు, గ్రామస్తులు పాల్గొన్నారు.