తెలంగాణ లైఫ్ సైన్సెస్‌లో మార్చి వరకు బాధ్యతలు

హైదరాబాద్, డిసెంబర్ 26(విజయక్రాంతి): తెలంగాణ లైఫ్ సైన్సెస్ ఫౌండేషన్ ప్రస్తుత డైరెక్టర్ శక్తి ఎం నాగప్పన్ తన పదవిలో మార్చి వరకు కొనసాగుతారు. ఈ మేరకు శుక్రవారం రాష్ట్ర మంత్రి దుద్దిళ్ల శ్రీధర్ బాబు ‘తెలంగాణ లైఫ్ సైన్సెస్’ కార్యకలాపాలను సమీక్షించారు. అనంతరం మంత్రి కార్యాలయం ఒక ప్రకటన విడుదల చేసింది. ఇటీవలే ఈ పదవికి నియమితులైన సర్వేష్ సింగ్, మార్చి తర్వాత పరిశ్రమల మంత్రికి గౌరవ సలహాదారుగా వ్యవహరించే శక్తి నాగప్పన్‌తో కలిసి పనిచేస్తారు. కొత్త డైరెక్టర్ (లైఫ్ సైన్సెస్) నియామకాన్ని ప్రకటించిన కొన్ని రోజుల తర్వాత, రాష్ట్ర ప్రభుత్వం ప్రస్తుత శక్తి ఎం. నాగప్పన్ మార్చి 2026 వరకు తన ప్రస్తుత పాత్రలో కొనసాగుతారని తెలిపింది.

‘కొనసాగింపు, సంస్థాగ త స్థిరత్వం, స్థిరమైన ఊపు అవసరాన్ని గుర్తించి, పరిశ్రమలు, ఐటీ మంత్రి శ్రీధర్ బాబు మార్చి 2026 చివరి వరకు తన ప్రస్తుత పాత్రలో కొనసాగాలని నాగప్పన్‌కు సూచించారు’. మార్చి తర్వాత, నాగప్పన్ గౌరవ హోదాలో మంత్రికి సలహాదారుగా మద్దతు ఇస్తూనే ఉంటారు. తెలంగాణ లైఫ్ సైన్సెస్ ఫౌండేషన్ డైరెక్టర్ (లైఫ్ సైన్సెస్) గా పాటు, సీఈఓగా కూడా ఉన్న నాగప్పన్ వ్యవస్థాపక కార్యక్రమాలను కొనసాగించడానికి రాజీనామా చేయాలని చేసిన అభ్యర్థన మేరకు ఈ మార్పు తప్పనిసరి అయింది.

ఇటీవల నియమితులైన సర్వేష్ సింగ్ నాగప్పన్‌తో కలిసి పని చేస్తారు. ఈ సమయం లో విధుల నిర్వహణపై పూర్తి అవగాహన కల్పించనున్నారు.ఈ ప్రక్రియ పూర్తయిన తర్వాత సర్వేష్ సింగ్ లైఫ్ సైన్సెస్ డైరెక్టర్‌గా బాధ్యతలు స్వీకరిస్తారు. కాగాతెలంగాణ లైఫ్ సైన్సెస్ రంగాన్ని తీర్చిదిద్దడంలోనూ, జాతీయ, అంతర్జాతీయ స్థాయిలో సంబంధాలను బలోపేతం చేయడంలోనూ నాగప్పన్ పోషించిన కీలక పాత్రను మంత్రి కొనియాడారు.