ఘట్ కేసర్ (విజయక్రాంతి): వెంకటాపూర్ లోని అనురాగ్ యూనివర్సిటీ రిటైల్ మేనేజ్మెంట్ విద్యార్థులు ఐకియా హైదరాబాద్ స్టోర్ పరిశ్రమను సోమవారం సందర్శించారు. ఫ్యాకల్టీ కో-ఆర్డినేటర్ డాక్టర్ బి. రాజేశ్వరి మార్గదర్శకత్వంలో జరిగిన ఈ సందర్శనలో విద్యార్థులు గ్లోబల్ రిటైల్ ఫార్మాట్, స్టోర్ లేఅవుట్, మెర్చండైజింగ్, కస్టమర్ అనుభవం, ఆపరేషన్లపై అవగాహన పొందారు. స్టోర్ ఎక్స్పీరియెన్స్ మేనేజర్ అబ్బాస్ ఐకియా స్వీయ-సర్వీస్ మోడల్, స్పష్టమైన సైగ్నేజింగ్, లాజిస్టిక్స్, ఇన్వెంటరీ మేనేజ్మెంట్ టీమ్వర్క్ ప్రాముఖ్యతపై వివరాలు పంచుకున్నారు. 

విద్యార్థులు ఐకియా ప్రత్యేక మెజ్ ఫార్మాట్ లేఅవుట్, రూమ్ డిస్ప్లేలు, విజువల్ మెర్చండైజింగ్, సమర్ధవంతమైన బిల్లింగ్, సెల్ఫ్-చెకౌట్, మార్కెట్ హాల్, రెస్టారెంట్ వంటి అంశాలను పరిశీలించారు. ఈ సందర్శనం ద్వారా విద్యార్థులు రిటైల్ లేఅవుట్, కస్టమర్ జర్నీ, స్టోర్ అంబియెన్స్, ఇన్వెంటరీ మేనేజ్మెంట్ సేవా నాణ్యతపై విలువైన విజ్ఞానం సంపాదించారు. ఈ సందర్శనను విజయవంతంగా నిర్వహించడం జరిగింది.