మునగాల: మండల రైతులకు సరిపడా యూరియా  ఇతర కాంప్లెక్స్ ఎరువులు మండలంలో ఉన్నాయి అని మండల వ్యవసాయ అధికారి బి.రాజు అన్నారు. శుక్రవారం సహకార సంఘాలని ప్రైవేట్ దుకాణాల నుండి యూరిఆర్ నిల్వలను పరిశీలించారు. ఆయన మాట్లాడుతూ... ఆకుపాముల, మునగాల, తాడ్వాయి, కొక్కిరేణి సహకార సంఘాలలో  మునగాలలో  ప్రైవేట్ దుకాణాలలో మొత్తం కలిపి 7097 బస్తాల యూరియా ప్రస్తుతం అందుబాటులో ఉంది. ప్రస్తుతం వరి నారుమడి దశలో ఉంది కాబట్టి ప్రస్తుతానికి సరిపడా యూరియా మాత్రమే తీసుకోవాల్సిందిగా రైతులను కోరుతున్నాము. రైతులు యూరియా విషయంలో ఎలాంటి ఆందోళన చెందాల్సిన అవసరం లేదు. రైతులు యూరియాను అధికంగా వాడటం వల్ల భూమి దెబ్బతిని, వాయు కాలుష్యం, నీటి కాలుష్యం జరిగి,  ఆరోగ్య సమస్యలతో పాటు, ముందు ముందు పంట దిగుబడులు కూడా  తగ్గే అవకాశం ఉంటుంది. కావున యూరియాను తక్కువమోతాదులోపంటలకుఉపయోగించాలని కోరుతున్నాం.