మున్సిపల్ రిజర్వేషన్లు ఖరారు 

పది కార్పొరేషన్లలో 5 జనరల్, 3 బీసీ, ఎస్సీ, ఎస్టీలకు ఒక్కొక్కటి

  121 మున్సిపాలిటీల రిజర్వేషన్లు కూడా వెల్లడి

హైదరాబాద్, జనవరి 17 (విజయక్రాంతి): రాష్ట్రంలోని 121 మున్సిపాలి టీలు, 10 మున్సిపల్ కార్పొరేషన్లకు సం బంధించిన మేయర్, మున్సిపల్ చైర్మన్ పదవుల రిజర్వేషన్లను ప్రభుత్వం అధికారికంగా ఖరారు చేసింది. ఈసారి ఎన్ని కల్లో మహిళలకు 50 శాతం రిజర్వేషన్లను కల్పిస్తూ రాష్ట్ర ప్రభుత్వం నిర్ణయం తీసుకున్నది. రిజర్వేషన్లకు సంబంధించిన వివరాలను శనివారం జీహెచ్‌ఎంసీ ప్రధాన కార్యాలయంలో మున్సిపల్ శా ఖ డైరెక్టర్ శ్రీదేవి అధికారికంగా ప్రకటించారు. కార్పొరేషన్లలో రిజర్వేషన్లు ఎస్సీ సామాజిక వర్గానికి 1, ఎస్టీ సామాజిక వర్గానికి 1, బీసీలకు 3 కేటాయించారు. జనరల్ కేటగిరీలో ఐదు స్థానాలకు గా నూ ఏకంగా నాలుగు స్థానాలను మహిళలకు కేటాయించారు.

121 మున్సి పాలిటీల్లో ఎస్సీ- సామాజిక వర్గానికి 17, ఎస్టీ సామాజిక వర్గానికి -5, బీసీలకు -38, జనరల్ కేటగిరీకి -61 కేటాయించారు. మున్సిపల్ వార్డులు, కార్పొరేషన్ డివిజన్ల రిజర్వేషన్ల తుదు జాబితాను ఆది వారం ఉదయానికల్లా రాష్ట్ర ఎన్నికల సంఘానికి అందజేసే అవకాశం ఉంది. ప్రభుత్వం జీవో ఇచ్చిన వెంటనే ఎన్నికల షెడ్యూల్ విడుదల చేసేందుకు ఎస్‌ఈసీ సిద్ధంగా ఉంది. ఒకటి, రెండు రోజుల్లోనే మున్సిపల్ ఎన్నికల షెడ్యూల్ విడుదలయ్యే అవకాశం ఉన్న ట్టు సమాచారం.