1. స్వదేశంలో పెరుగనున్న జీసీసీల సంఖ్య
2. అందిపుచ్చుకుంటే అభివృద్ధి పథంలోకి..

హైదరాబాద్, సెప్టెంబర్ 30 (విజయక్రాం తి): ట్రంప్ హెచ్-1బీ వీసా ఫీజును పెంచడంతో అమెరికా సంస్థలు తమ కార్యకలాపాలను భారతదేశానికి మార్చడంపై దృష్టి సారించాయి. అమెరికా అధ్యక్షుడు ట్రంప్ ఈ నెలలో కొత్త హెచ్-1బీ వీసా దరఖాస్తుల ఫీజును లక్ష డాలర్లకు పెంచారు. హెచ్-1బీ వీసాపై ట్రంప్ చర్యతో అమెరికా సంస్థలు భారతదేశానికి వచ్చేందుకు సిద్ధమవుతున్నాయి.

ఈ పరిణామంతో దేశంలో ఆర్థిక, పరిశోధన, అభివృద్ధి వంటి కార్యకలాపాలను నిర్వహించే గ్లోబల్ కెపబిలిటీ సెంటర్ల(జీసీసీ) వృద్ధిని పెంచుతాయని ఆర్థికవేత్తలు, పారిశ్రామికవేత్తలు అభి ప్రాయపడుతున్నారు. ప్రపంచంలోని నాలుగో అతిపెద్ద ఆర్థిక వ్యవస్థ భారత్ 1,700 జీసీసీలకు నిలయంగా ఉంది. లగ్జరీ కార్ల తయారీ నుంచి ఫార్మా వరకు అన్ని రంగాల్లో భారత్ ఆవిష్కరణల కేంద్రంగా ఉంది.

ఆర్టిఫిషియల్ ఇంటెలిజెన్స్ వినియోగం పెరగడం, వీసాలపై యూఎస్ ఆంక్షల నేపథ్యంలో అక్కడి సంస్థలే కార్మిక శక్తిని వినియోగించుకునేందుకు భారత్ కు వచ్చేందుకు ప్రణాళికలు రచిస్తున్నాయి. భారతదేశంలోని జీసీసీలు.. ప్రపంచ నైపుణ్యాలను బలమైన దేశీయ నాయకత్వంతో మిళి తం చేసే హబ్‌లుగా అభివృద్ధి చెందుతున్నాయి. 

శ్రామికశక్తి అవసరాల అంచనా..

ప్రస్తుతం భారత్ అభివృద్ధికి జీసీసీలు అం తర్గత ఇంజిన్‌లుగా పనిచేస్తాయని, డెలాయిట్ ఇండియా భాగస్వామి, పారిశ్రామికవేత్త రోహ న్ లోబో పేర్కొన్నారు. అనేక యూఎస్ సంస్థ లు తమ శ్రామిక శక్తి అవసరాలను తిరిగి అం చనా వేస్తున్నట్టు తెలిపారు. అలాంటి మార్పు కోసం ఇప్పటికే ప్రణాళికలు రచిస్తున్నట్టు పేర్కొన్నారు. ఆర్థిక సేవలు, సాంకేతికత వంటి రంగాల్లో, ముఖ్యంగా యూఎస్ ఫెడరల్ కాం ట్రాక్టులకు గురైన సంస్థల్లో అధికంగా ఈ పరిస్థితి కనిపిస్తోంది.

రాబోయే రోజుల్లో జీసీసీలు మరింత వ్యూహాత్మక, ఆవిష్కరణ -నేతృత్వంలోని ఆదేశాలను స్వీకరిస్తాయని రోహన్ లోబో అభిప్రాయపడ్డారు. ఈ నెలలో ప్రస్తు తం ఉన్న 2,000 నుంచి 5,000 డాలర్లు ఉన్న కొత్త హెచ్-1బీ ఫీజును లక్ష డాలర్లకు అమెరికా అధ్యక్షుడు ట్రంప్ పెంచడంతో నిపుణులైన విదేశీ కార్మికులపై ఆధారపడ్డ అమెరి కన్ సంస్థలపై ఒత్తిడి పెరిగింది. సోమవారం యూఎస్ సెనేటర్లు హెచ్--1బీ, ఎల్-1 వర్కర్ వీసా నిబంధనలను కఠినతరం చేసే బిల్లును తిరిగి ప్రవేశపెట్టారు.

ట్రంప్ వీసా ఆంక్షలను సవాలు చేయకపోతే, అమెరికన్ సంస్థలు ఏఐ, ప్రొడక్ట్ డెవలప్‌మెంట్, సైబర్ భద్రత, విశ్లేషణలతో ముడిపడి ఉన్న హై-ఎండ్ వర్క్‌ను తమ భారతదేశ జీసీసీలకు మారుస్తాయని, అవుట్ సోర్సింగ్ కంటే వ్యూహాత్మక విధులను తమ పరిధిలోనే ఉంచుకోవడంపై దృష్టి సారిస్తాయ ని పరిశ్రమ నిపుణులు భావిస్తున్నారు. ఇటీవ ల మార్పుల వల్ల పెరుగుతున్న అనిశ్చితి, అనే క సంస్థలు అధిక-విలువైన పనిని జీసీసీలకు మార్చడం గురించి చర్చలకు కొత్త ఊపునిచ్చింది. 

‘ఒక రకమైన అత్యవసర భావన పెరిగింది’ అని ఏఎన్‌ఎస్‌ఆర్ వ్యవస్థాపకుడు, సీఈవో లలిత్ అహుజా పేర్కొన్నారు. ఈ భావన ఫెడె క్స్, బ్రిస్టల్ -మైయర్స్ స్క్విబ్, టార్గెట్, లోవే వంటి కంపెనీలు వాటి జీసీసీలకు ఏర్పాటు చేయడంలో దోహడపడుతుందని తెలిపారు. ఇలాంటి కొన్ని సందర్భాల్లో ‘తీవ్రమైన ఆఫ్షోరింగ్’కు దారితీయొచ్చని కాగ్నిజెంట్ ఇండి యా మాజీ మేనేజింగ్ డైరెక్టర్ రామ్ కుమార్ రామమూర్తి పేర్కొన్నారు.

కొవిడ్--19 మహమ్మారి కీలకమైన సాంకేతిక పనులను ఎక్క డినుంచైనా చేయొచ్చని నిరూపించిందన్నారు. అమెజాన్, మైక్రోసాఫ్ట్, ఆపిల్, గూగుల్ పేరెం ట్ ఆల్ఫాబెట్ వంటి బిగ్‌టెక్, వాల్ స్ట్రీట్ బ్యాం క్ జేపీ మోర్గాన్ చేజ్, రిటైలర్ వాల్‌మార్ట్ కంపెనీలు హెచ్ వీసాలకు అగ్ర స్పాన్సర్లలో ఉన్నాయని యూఎస్ ప్రభుత్వ డేటా ఆధారంగా తెలిసింది. వారందరికీ భారతదేశం లో ప్రధాన కార్యకలాపాలు ఉన్నాయి.

దీంతో భారతదేశానికి తరలిపోవడం, లేదా కార్పొరేషన్లు వాటిని మెక్సికో లేదా కొలంబియాకు వెళ్తాయి. ఈ పరిణామాలతో కెనడా కూడా ప్రయోజనాన్ని పొందొచ్చు’ అని రిటైల్ జీసీసీ ఇండియా హెడ్ వెల్లడించారు. ట్రంప్ కొత్త హెచ్ వీసా దరఖాస్తులపై భారీగా ఫీజును పెంచక ముందే, మెరుగైన జీతం పొందే వారికి అనుకూలంగా కొత్త ఎంపిక ప్రక్రియను ప్లాన్ చేయకముందే భారతదేశం 2030 నాటికి 2,200 కంటే ఎక్కువ జీసీసీలకు కేంద్రంగా మారుతుందని ఇప్పటికే పలు అంచనాలు ఉన్నాయి.

దీంతో మార్కెట్ పరిణామం 100 బిలియన్ డాలర్లకు చేరుకుంటుంది. ఇప్పుడు ఈ పరిస్థితి మరింత వేగవంతం అవుతుంది. అయితే ప్రస్తుతం ఉన్న పరిస్థితులపై కొందరు మరింత సందేహాలు వ్యక్తం చేస్తున్నారు. ముఖ్యంగా ప్రతిపాదిత నియామక చట్టంపై ఆమోదముద్ర పడితే, యూఎస్ సంస్థలు విదేశాల్లో అవుట్ సోర్సింగ్ పనులకు 25 శాతం పన్ను ఎదుర్కోవాల్సి ఉంటుంది. ఇది భారతదేశ సేవల ఎగుమతుల్లో గణనీయమైన అం తరాయాన్ని కలిగిస్తుంది.

అందుకే వేచిచూసే విధానానికి మొగ్గు చూపుతారు. ‘ప్రస్తుతానికి, మేము పరిస్థితులను గమనిస్తున్నాం, అధ్యయనం చేస్తున్నాం. ఫలితాలకు సిద్ధంగా ఉన్నాం’ అని యుఎస్ ఔషధ తయారీ జీసీసీ ఇండియా హెడ్ స్పష్టం చేశారు. వీసా ఆంక్ష లు, ప్రతిపాదిత నియామక చట్టం భారతదేశం తక్కువ- ధర ప్రయోజనం తగ్గించడంతోపాటు సరిహద్దుల మధ్య సేవల ప్రవాహాన్ని అణిచివేసే బెదిరింపులతో భారతదేశం--అమెరికా వాణిజ్య ఉద్రిక్తత వస్తువుల నుంచి సేవలకు విస్తరించింది. భారతదేశ జీడీపీలో దాదాపు 8 శాతం వాటాను అందించే 283 బిలియన్ల డాలర్ల ఐటీ పరిశ్రమ ఈ ఒత్తిడిని ఎదుర్కొవచ్చు. అయితే జీసీసీ సేవలకు పెరుగుతున్న డిమాండ్ అలాంటి ప్రభావాన్ని తగ్గించేందుకు ఉపయోగపడుతుంది. 

హెచ్ వీసా ఆధారిత వ్యాపారాల నుంచి కోల్పోయిన ఆదాయాలను జీసీసీల ద్వారా అధిక సేవల ఎగుమతులు భర్తీ చేయొచ్చు. ఎందుకంటే యూ ఎస్ ఆధారిత సంస్థలు ప్రతిభను అవుట్‌సోర్స్ చేయడానికి ఇమ్మిగ్రేషన్ పరిమితులను దాటవేయాలని చూస్తున్నాయని నోమురా విశ్లేషకులు గతవా రం ఒక పరిశోధన నివేదికలో తెలిపారు.