‘చిన్నారి పెళ్లికూతురు’ అవికా గోర్ నిజ జీవితంలో పెళ్లికూతురిగా మారి వివాహబంధంలోకి అడుగుపెట్టింది. హీరోయిన్ అవికా గోర్ ఆరేళ్లుగా మిలింద్ చాంద్వాని అనే వ్యాపారవేత్తతో ప్రేమలో ఉంది. చాలా రోజుల క్రితమే ఈ విషయాన్ని సోషల్‌మీడియా ద్వారా బహిర్గతం చేసిన అవిక గత జూన్‌లో తన ప్రియుడు మిలింద్‌తో నిశ్చితార్థం చేసుకుంది. ఈ జంట మంగళవారం వివాహబంధంతో ఒక్కటయ్యారు.

ముంబైలో జరిగిన ఈ వేడుకకు సినీ, వ్యాపార ప్రముఖులు హాజరయ్యారు. చిన్నారి పెళ్లికూతురు సీరియల్‌తో బాలనటిగా గుర్తింపు తెచ్చుకున్న అవికా ఆ తర్వాత హీరోయిన్‌గా మారింది. తెలుగు, కన్నడ, హిందీల్లోనూ పలు సినిమాలు, సిరీస్‌లలో నటించింది. ప్రస్తుతం నటిగా కొనసాగుతూనే నిర్మాతగానూ సినిమాలు రూపొందిస్తోంది.