గినియాలో ఫుట్‌బాల్ మ్యాచ్ సందర్భంగా ఆదివారం జరిగిన ఘర్షణల్లో డజన్ల కొద్దీ ప్రజలు మరణించారు. పశ్చిమ ఆఫ్రికా దేశంలోని రెండవ అతిపెద్ద నగరమైన న్జెరెకోర్ నగరంలో లాబ్, న్జెరెకోర్ ఫుట్‌బాల్ జట్ల మధ్య జరిగిన ఆటలో హింస జరిగింది. ఆదివారం ఎంత మంది మరణించారనే దానిపై స్పష్టత రాలేదు. స్థానిక ఆసుపత్రి వివరాల ప్రకారాం సుమారు 100 మందికిపైనే మరణించినట్లు తెలుస్తోంది. ''ఆసుపత్రిలో కనుచూపు మేరలో మృతదేహాలు వరుసలో ఉన్నాయి. మరికొందరు హాలులో నేలపై పడి ఉన్నారు. శవాగారం నిండి ఉంది." అని ఓ వైద్యుడు తెలిపారు. ఈ హింసను గినియా ప్రధాన మంత్రి బహౌరీ ఆదివారం ఎక్స్ లో వేదికగా ఖండించారు.

"ఈ రోజు మధ్యాహ్నం న్జెర్‌కోర్‌లో లాబ్, న్జెరెకోర్ జట్ల మధ్య జరిగిన ఫుట్‌బాల్ మ్యాచ్‌ను దెబ్బతీసిన సంఘటనలను ప్రభుత్వం విచారిస్తుంది," అని ఓరీ చెప్పారు. సోషల్ మీడియాలో ప్రసారం అవుతున్న వీడియోలో మ్యాచ్ వెలుపల వీధిలో గందరగోళ దృశ్యాలు, అనేక మృతదేహాలు నేలపై పడి ఉన్నాయి. కోపంతో ఉన్న ప్రదర్శనకారులు స్థానిక పోలీస్ స్టేషన్‌ను కూడా ధ్వంసం చేసి నిప్పంటించారు. సాక్షుల ప్రకారం... ఇదంతా రిఫరీ వివాదాస్పద నిర్ణయంతో ప్రారంభమైంది, అప్పుడు అభిమానులు పిచ్‌పై దాడి చేశారని చెప్పారు. 2021లో జరిగిన తిరుగుబాటులో అధికారాన్ని చేజిక్కించుకుని, తనను తాను అధ్యక్షుడిగా నియమించుకున్న గినియా జుంటా నాయకుడు మామాడి డౌంబౌయా గౌరవార్థం ఏర్పాటు చేసిన టోర్నమెంట్‌లో ఈ మ్యాచ్ భాగమని స్థానిక మీడియా తెలిపింది. డౌంబౌయా వచ్చే ఏడాది జరిగే అధ్యక్ష ఎన్నికల్లో పోటీ చేసే అవకాశం ఉందని, రాజకీయ పొత్తులు ఏర్పడే అవకాశం ఉన్నందున పశ్చిమ ఆఫ్రికా దేశంలో ఇటువంటి టోర్నమెంట్‌లు సర్వసాధారణంగా మారాయి.