హైదరాబాద్: ముఖ్యమంత్రి రేవంత్ రెడ్డి(Chief Minister Revanth Reddy) శుక్రవారం నాడు సంగారెడ్డి జిల్లా జహీరాబాద్‌లో(Zaheerabad) పర్యటించనున్నారు. ఈ పర్యటనలో భాగంగా రేవంత్ రెడ్డి పలు అభివృద్ధి కార్యక్రమాల్లో పాల్గొననున్నారు. ఈ పర్యటనను విజయవంతంగా నిర్వహించడానికి జిల్లా యంత్రాంగం విస్తృత ఏర్పాట్లు చేస్తోంది. ఈ పర్యటనలో ముఖ్యమంత్రి బసవేశ్వర విగ్రహాన్ని ఆవిష్కరించి, కొత్తగా నిర్మించిన కేంద్రీయ విద్యాలయ భవనాన్ని ప్రారంభిస్తారు. స్వయం సహాయక సంఘాలు నిర్వహించే ఇంధన ఫిల్లింగ్ స్టేషన్‌కు శంకుస్థాపన చేస్తారు. సీఎం రేవంత్ ఉదయం 11 గంటలకు జహీరాబాద్ చేరుకుంటారు.

రూ. 494.67 కోట్లతో చేపట్టే పనులను సీఎం ప్రారంభిస్తారు. వేదిక వద్ద ఉన్న స్టాల్స్‌ను సందర్శించిన తర్వాత, రేవంత్ రెడ్డి(Revanth Reddy) మధ్యాహ్నం 12 గంటలకు బహిరంగ సభలో ప్రసంగిస్తారు. ముఖ్యమంత్రి జహీరాబాద్ పర్యటన చారిత్రాత్మకం అవుతుందని  ఆరోగ్య, వైద్య, కుటుంబ సంక్షేమ శాఖ మంత్రి సి. దామోదర్ రాజనర్సింహ(Minister Damodar Raja Narasimha) అన్నారు. ఈ బహిరంగ సభకు పెద్ద సంఖ్యలో ప్రజలు హాజరవుతారని తెలిపారు. రాష్ట్ర ప్రభుత్వం అభివృద్ధి పనులు, సంక్షేమ పథకాలకు సమాన ప్రాధాన్యత ఇస్తోందని పేర్కొన్నారు. తన పర్యటనలో భాగంగా ముఖ్యమంత్రి హెలికాప్టర్‌లో జహీరాబాద్‌కు చేరుకుంటారు. రూట్ మ్యాప్, భద్రతా ఏర్పాట్లు, హెలిప్యాడ్ స్థానాన్ని పరిపాలన ఖరారు చేస్తోందని రాజనర్సింహ  స్పష్టం చేశారు.