1. భారీ వర్షాల్లో జలదిగ్బంధంలో చిక్కుకున్న యువతిని రక్షించి, ఇంటికి చేర్చిన వైనం
   

విధికి మించిన సేవంటూ అభినందన పత్రం అందజేత

హైదరాబాద్, సిటీ బ్యూరో సెప్టెంబర్ 9(విజయక్రాంతి): విధి నిర్వహణలో ఓ పోలీస్ అధికారి చూపిన అసమాన మానవత్వానికి తెలంగాణ రాష్ట్ర మానవ హక్కుల కమిషన్  సలాం చేసింది. గత వారం నగరాన్ని ముంచెత్తిన భారీ వర్షాల సమయం లో, వరద నీటిలో ప్రాణభయంతో విలవిలలాడుతున్న ఓ యువతికి అండగా నిలిచి, ఆమెను సురక్షితంగా ఇంటికి చేర్చిన హైదరాబాద్ సిటీ ఆరమ్డ్ రిజర్వ్  హెడ్ కానిస్టేబుల్ శ్రీధర్ వర్మను మానవ హక్కుల కమిషన్ చైర్పర్సన్, జస్టిస్ షమీమ్ అఖ్తర్ ప్రత్యేకంగా అభినందించారు. ఆయన సేవను కొనియాడుతూ అభినందన పత్రం అందజేశారు.