సబ్దల్పూర్ గ్రామంలో యువ నాయకుడు జిలకర సత్యనారాయణ సేవా కార్యక్రమం

స్థానిక ఎమ్మెల్యే మదన్మోహన్ ప్రజాసేవా భావానికి ప్రతిబింబం

ఎల్లారెడ్డి (విజయక్రాంతి): రాఖీ(Raksha Bandhan) పౌర్ణమి సందర్భంగా సోదర, సోదరీమణుల అనుబంధం సంతోషభరితంగా ప్రతిధ్వనించిన సబ్దల్పూర్ గ్రామంలో, కాంగ్రెస్ పార్టీ స్థానిక యువ నాయకుడు జిలకర సత్యనారాయణ హృదయపూర్వకంగా "మదనన్న రాఖీ కానుక" పేరుతో 150 చీరలను గ్రామంలోని అక్క–చెల్లెమ్మలకు అందజేశారు. ఈ ప్రత్యేక కార్యక్రమం ద్వారా గ్రామంలో పండుగ వాతావరణం మరింత ఉత్సాహంగా నెలకొంది. ఈ కార్యక్రమానికి ముఖ్య అతిథులుగా మాజీ మున్సిపల్ చైర్మన్ కుడుముల సత్యనారాయణ, మండల కాంగ్రెస్ పార్టీ అధ్యక్షుడు కురుమ సాయిబాబా, మాజీ జెడ్పిటిసి సామెల్ హాజరై, వీరి చేతుల మీదుగా చీరల పంపిణీ కార్యక్రమాన్ని ప్రారంభించారు.

"సేవే సత్యనారాయణకు ఆయుధం" - మండల నాయకులు ప్రశంస:

ఈ సందర్భంగా మండల అధ్యక్షుడు కురుమ సాయిబాబా, మాజీ మున్సిపల్ చైర్మన్ కుడుముల సత్యనారాయణ మాట్లాడుతూ, "జిలకర సత్యనారాయణ గతంలోనూ ఎన్నో సేవా కార్యక్రమాలు నిర్వహించి, ప్రజల మనసులు గెలుచుకున్నారు. మదనన్న స్ఫూర్తితో గ్రామ ప్రజల పట్ల ఇలాగే సేవా కార్యక్రమాలు కొనసాగిస్తున్నారు" అని పేర్కొన్నారు.

రాఖీతో మమకారం, చీరలతో సంతోషం:

కార్యక్రమంలో పాల్గొన్న అక్క–చెల్లెమ్మలు అక్కడి అతిథులందరికీ రాఖీ కట్టి, తీపి తినిపిస్తూ సోదర భావాన్ని పంచుకున్నారు. అనంతరం గ్రామంలోని అక్క–చెల్లెమ్మలందరికీ చీరల పంపిణీ జరగగా, మహిళలు ఆనందంతో మురిసిపోయారు. జిలకర సత్యనారాయణ మాట్లాడుతూ స్థానిక ఎమ్మెల్యే మదనన్న మార్గదర్శకత్వంలో, ప్రజల కోసం, ముఖ్యంగా అక్క–చెల్లెమ్మల కోసం ఇలాంటి సేవా కార్యక్రమాలు నిరంతరం కొనసాగిస్తాను" అని హామీ ఇచ్చారు. ఈ కార్యక్రమంలో కాంగ్రెస్ పార్టీ మండల అధ్యక్షుడు కుర్మ సాయిబాబా, మాజీ మున్సిపల్ చైర్మన్ కుడుముల సత్యనారాయణ, మాజీ జెడ్పిటిసి సామెల్, గ్రామ మాజీ సర్పంచ్ నాయికోటి లక్ష్మి, రవీందర్, గ్రామ పెద్దలు నారాయణ, అంజయ్య, బయ్యను ఇసాక్, చింతల బాలయ్య, జక్కుల పర్వయ, బత్తుల దుర్గయ్య, యువకులు మహిళలు పెద్ద ఎత్తున పాల్గొని ఈ కార్యక్రమాన్ని విజయవంతం చేశారు.