-డ్రగ్ నిర్మూలనపై ‘అపోలో’ ఆధ్వర్యంలో ‘స్టాప్ సబ్‌స్టెన్స్ అబ్యూస్’ రన్

-హాజరైన మంత్రి పొన్నం ప్రభాకర్ 

హైదరాబాద్ సిటీ బ్యూరో, అక్టోబర్ 6 (విజయక్రాంతి): అపోలో ఇనిస్టిట్యూట్ ఆఫ్ మెడికల్ సైన్సెస్, రీసెర్చ్ (ఏఐఎంఎస్‌ఆర్) ఇంటర్ మెడికల్ కాలేజ్ ఫెస్ట్‌లో భాగంగా సోమవారం హైదరాబాద్‌లోని కేబీఆర్ పార్కులో ‘స్టాప్ సబ్‌స్టెన్స్ అబ్యూస్’ నినాదంలో రన్ నిర్వహించారు. ఈ రన్‌ను రవా ణా, బీసీ సంక్షేమ శాఖ మంత్రి పొన్నం ప్రభాకర్ ప్రారంభించారు. డీన్ డాక్టర్ కె మనో హర్, ఏఐఎంఎస్‌ఆర్ సీవోవో అపర్ణరెడ్డి హాజరయ్యారు. 400 మందికి పైగా వైద్య విద్యార్థులు పాల్గొన్నారు. 

ఈ సందర్భంగా మంత్రి పొన్నం ప్రభాకర్ మాట్లాడుతూ.. “డ్రగ్‌కు వ్యతిరేకంగా ఈ అవగాహన రన్ నిర్వహించినందుకు అపోలో ఏఐఎంఎస్‌ఆర్‌ను అభినందిస్తున్నాను. మా ప్రభుత్వం డ్రగ్‌కు వ్యతిరేకంగా ఒక చట్టాన్ని రూపొందించామని చెప్పారు. యువత భవిష్యత్తు, తెలంగాణ, భారతదేశ తదుపరి తరం వ్యసనానికి బలైపోకుండా చర్యలు తీసుకుంటున్నామని చెప్పారు. తల్లిదండ్రులు తమ పిల్లలను ఎల్లప్పుడూ గమనిస్తూ.. భవిష్యత్తుపై దిశా నిర్దేశం చేస్తూ మత్తు పదార్థాలకు బానిస కాకుండా చూడాలి. ప్రతి యువకుడు మాదకద్రవ్యాలకు దూరంగా ఉండటమే కాకుండా, వారి సహచరులు దాని బారిన పడకుండా ముందస్తుగా నిరుత్సాహపరచాలని నేను కోరుతున్నాను” అని ఆయన అన్నారు.

డాక్టర్ మనోహర్ మాట్లాడుతూ, “ప్రతి సంవత్సరం ఏఐఎంఎస్‌ఆర్ తన వార్షిక ఉత్సవాన్ని - అనస్టోమోజ్‌ను నిర్వహిస్తుంది. ముఖ్యమంత్రి ‘మాదకద్రవ్యాలకు నో చెప్పండి‘ అనే పిలుపునకు ప్రేరణ పొంది, ఈ రన్ నిర్వహించాం. ఈ పరుగు మన సమాజాలను చైతన్యవంతం చేస్తూ, మాదకద్రవ్య దుర్వినియోగానికి వ్యతిరేకంగా సమిష్టి వైఖరిని రగిలించడానికి ఒక మేల్కొలుపు పిలుపుగా ఉండనివ్వండి” అన్నారు. 

కాగా వారం రోజుల పాటు జరిగే అనస్టోమోజ్ 2025 అనేది అపోలో ఇనిస్టిట్యూట్ ఆఫ్ మెడికల్ సైన్సెస్ అండ్ రీసెర్చ్ ప్రధాన వార్షిక సాంస్కృతిక, క్రీడలు, సాహిత్య ఉత్సవం. ఈ సంవత్సరం ఈ నెల 5 నుండి 11 వరకు జరగనున్నాయి. తెలంగాణలోని వివిధ వైద్య కళాశాలల నుంచి విద్యార్థులను ఒకచోట చేర్చి ఉత్సవాలు నిర్వహిస్తారు. ఇందులో అనేక రంగాల్లో పోటీలు నిర్వహిం చి, బహుమతులు అందజేస్తారు.