ఎమ్మార్పీఎస్ అధ్యక్షుడు కొలుపుల రామస్వామి ఆధ్వర్యంలో బయలుదేరిన నాయకులు

చేగుంట (విజయక్రాంతి): మెదక్ జిల్లా చేగుంట మండలానికి చెందిన ఎమ్మార్పీఎస్ మండల అధ్యక్షులు కోలుపుల రామస్వామి ఆధ్వర్యంలో సీజేఐ బిఆర్ గవాయిపై దాడిని నిరసిస్తూ.. హలో దళితుడా చలో హైదరాబాద్ రాష్ట్ర ఎమ్మార్పీఎస్ నాయకులు పిలుపునివ్వడంతో మండల ఎమ్మార్పీఎస్ నాయకులు పెద్ద ఎత్తున తరలివెళ్లారు. ఈ సందర్బంగా వారు మాట్లాడుతూ దాడి జరిగి 25 రోజులు గడిచిన ఎలాంటి చర్యలు తీసుకోకపోవడం, దేనికి నిదర్శనమని, కేంద్ర, రాష్ట్ర ప్రభుత్వాలపై మండిపడుతూ నిందితులపై కేసు నమోదు చేసి చట్ట ప్రకారం తగు చర్యలు తీసుకోవాలని అన్నారు. ఈ కార్యక్రమంలో బక్క సాయి బాబా మాదిగ, కొన్మండ శంకర్ మాదిగ, కోమట స్వామి మాదిగ, ఎమ్మార్పీఎస్ నాయకులు కార్యకర్తలు పాల్గొనడం జరిగింది.