జయశంకర్ భూపాలపల్లి జిల్లా తిరుమలగిరి లో ఘటన

రేగొండ సెప్టెంబర్ 30(విజయక్రాంతి): మండలంలోని తిరుమలగిరి గ్రామంలో వింత ఘటన మంగళవారం జరిగింది. ఓ వానరం అప్పుడే పుట్టిన చిన్న కుక్క పిల్లను ఎత్తుకొని చెట్లపై తిరుగుతుంది. స్థానికులు ఎంత ప్రయత్నించినా కుక్క పిల్లను విడవకుండా కింద పడకుండా గట్టిగా పట్టుకుని ఓ చెట్టు పైనుండి మరో చెట్టు పైకి దునుకుతూ స్థానికుల పైకి దాడి చేయడానికి ప్రయత్నిస్తుందే తప్ప కుక్క పిల్లను విడవడం లేదు.

పాపం తల్లి కుక్క ఆ వానరం వెనకాలే పరిగెడుతుంది. కానీ ఆ వానరం మాత్రం జాలి దయ లేకుండా ఆ కుక్క పిల్లను తన పొట్టకు గట్టిగా హత్తుకొని అక్కడినుండి వెళ్ళిపోయింది.