న్యూఢిల్లీ: పాకిస్తాన్ అణ్వాయుధ ముప్పును భారతదేశం విజయవంతంగా తిప్పికొట్టిందని ప్రధానమంత్రి నరేంద్ర మోదీ పేర్కొన్నారు. అణ్వాయుధ బెదిరింపు ఇకపై ప్రభావవంతమైన వ్యూహం కాదని నిరూపించిందని, భారతదేశం తన సాంకేతిక నైపుణ్యాన్ని ప్రదర్శించడం ద్వారా శత్రు భూభాగంలోకి లోతుగా ఖచ్చితమైన దాడులు నిర్వహించిందని ఆయన తెలిపారు. ఈ ఆపరేషన్లు పాకిస్తాన్ వైమానిక స్థావరాలు, సైనిక ఆస్తులపై గణనీయమైన నష్టాన్ని కలిగించాయి. ఈ దాడితో పాకిస్థాన్ అనేక వైమానిక స్థావరాలు నేటికీ పనిచేయడం లేదని వెల్లడించారు.

గతంలో కూడా దేశంలో ఉగ్రవాద సంఘటనలు జరిగేవి. కానీ అప్పట్లో ఉగ్రవాదుల సూత్రధారులు నిర్లక్ష్యంగా ఉండి భవిష్యత్తు కోసం సిద్ధమయ్యేవారు. ఎందుకంటే ఏమీ జరగదని వారికి తెలుసు. కానీ ఇప్పుడు సూత్రధారి నిద్రపోలేడని, ఈ కొత్త సాధారణ స్థితిని భారతదేశం నిర్ణయించింది. సింధూర్ నుండి సింధు వరకు పాకిస్తాన్‌పై మేము చర్యలు తీసుకున్నామని, విదేశాంగ విధానం గురించి, ప్రపంచం మద్దతు గురించి కూడా చాలా చెప్పబడిందని కొనియాడారు. భారతదేశం తన భద్రత కోసం చర్యలు తీసుకోకుండా ప్రపంచంలో ఏ దేశం ఆపలేదని, 193 దేశాలలో కేవలం 3 దేశాలు మాత్రమే పాకిస్తాన్‌కు మద్దతు ప్రకటించాని ప్రధాని మోదీ వ్యాఖ్యానించారు. అది క్వాడ్, బ్రిక్స్... భారతదేశం ప్రపంచం నలుమూలల నుండి మద్దతు పొందిందని తెలిపారు.

భారతదేశంలో ఉగ్రవాద దాడులకు పాల్పడిన వారు తీవ్ర పరిణామాలను ఎదుర్కోవలసి ఉంటుందని ఆపరేషన్ సిందూర్ నిరూపించిందని, వారు శిక్షార్హత లేకుండా వ్యవహరించలేరని వివరించారు. ఈ ఆపరేషన్ ద్వారా భారతదేశం మూడు కీలక సందేశాలను దృఢంగా తెలియజేసిందన్నారు. మొదటిది, భారత గడ్డపై ఉగ్రవాదులు చేసే ఏదైనా దాడికి భారతదేశం స్వంత నిబంధనల ప్రకారం నిర్ణయాత్మకంగా ఉంటుంది. రెండవది అణు బెదిరింపులు భారతదేశాన్ని అవసరమైన చర్య తీసుకోకుండా నిరోధించవు. మూడవది ఉగ్రవాదులకు ఆశ్రయం కల్పించే ప్రభుత్వానికి, అటువంటి ఉగ్రవాద చర్యల వెనుక ఉన్న సూత్రధారులకు మధ్య ఎటువంటి తేడా ఉండదు.

ప్రపంచవ్యాప్తంగా ఉన్న దేశాల నుండి మాకు మద్దతు లభించింది. కానీ నా దేశ వీరుల పరాక్రమానికి కాంగ్రెస్ మద్దతు లభించకపోవడం దురదృష్టకరమని ప్రధాని ఎద్దేవా చేశారు. ఏప్రిల్ 22న జరిగిన ఉగ్రవాద దాడి తర్వాత 3-4 రోజుల్లోనే అతను ఆనందంతో గెంతుతూ 56 అంగుళాల ఛాతీ ఎక్కడికి పోయింది.. మోడీ తప్పిపోయాడు... అతను ఆనందిస్తున్నాడని చెప్పడం ప్రారంభించారని మండిపడ్డారు. పహల్గామ్‌లో అమాయక ప్రజలు మరణిస్తే ప్రతిపక్ష నేతలు రాజకీయ లబ్ది పొందేందుకు ప్రయత్నిస్తున్నాని ప్రధాని మోదీ ఆగ్రహం వ్యక్తం చేశారు.