న్యూఢిల్లీ: పార్లమెంట్ శీతాకాల సమావేశంలో భాగంగా ఆపరేషన్ సిందూర్ పై లోక్ సభలో చర్చ జరుగుతోంది. ఈ సమావేశంలో ప్రధానమంత్రి నరేంద్ర మోదీ మాట్లాడుతూ... ఈ ఏడాది ఏప్రిల్‌ 22న పహల్గామ్ సమీపంలోని బైసరన్‌లో పర్యాటకులపై ఉగ్ర దాడికి ప్రతికారంగా చేపట్టిన ఆపరేషన్ సిందూర్ కు దేశ ప్రజలు ఇచ్చిన మద్దతు తీరు, ఆశీర్వదించిన తీరుకు తాను రుణపడి ఉన్నట్లు ఆయన తెలిపారు. ఏప్రిల్ 22న పహల్గామ్‌లో జరిగిన దారుణమైన సంఘటనలో ఉగ్రవాదులు అమాయక ప్రజల మతాన్ని అడిగి, ఆపై కాల్పులు జరిపిన తీరు, క్రూరత్వానికి పరాకాష్ట అని మోదీ పేర్కొన్నారు.

ఇది భారతదేశాన్ని హింసాకాండలోకి నెట్టడానికి బాగా ప్రణాళిక వేసిన ప్రయత్నామని, భారతదేశంలో అల్లర్లను వ్యాప్తి చేయడానికి ఇది ఒక కుట్ర అన్నారు. దేశం ఐక్యతతో ఆ కుట్రను భగ్నం చేసేందుకు మద్దతిచ్చిన దేశ ప్రజలకు కృతజ్ఞతలు తెలియజేశారు. ఏప్రిల్ 22 తర్వాత ఉగ్రవాదులను నిర్మూలిస్తామని ఆయన బహిరంగంగా హామీ ఇచ్చానని, వారిని నడిపేవారు జవాబుదారీగా ఉంటారని, పరిణామాలను ఎదుర్కొంటారని కూడా ప్రకటించినట్లు ప్రధాని తెలిపారు. మన సైన్యానికి చర్య తీసుకునే స్వేచ్ఛ ఇవ్వబడిందని, ఉగ్రవాదులను ఎంతగా శిక్షించామో, ఆ ఉగ్రవాద గురువులు నేటికీ నిద్రపోలేనంతగా ఉన్నందుకు మనం గర్విస్తున్నామని మోదీ వివరించారు.

పహల్గామ్ దాడి జరిగిన వెంటనే, భారతదేశం గణనీయంగా ప్రతీకారం తీర్చుకుంటుందని పాకిస్తాన్ సైన్యం ఊహించింది. అణ్వాయుధాలను ప్రయోగిస్తామని కూడా వారు బెదిరింపులు జారీ చేశారు. మే 6, 7 తేదీల్లో భారతదేశం తన ప్రణాళికాబద్ధమైన ప్రతిస్పందనను అమలు చేసిందని, పాకిస్తాన్ చర్య తీసుకోలేని స్థితిలో పడిందన్నారు. కేవలం 22 నిమిషాల్లో మన దళాలు ఏప్రిల్ 22 దాడికి స్పష్టమైన లక్ష్యాలను దృష్టిలో ఉంచుకుని ప్రతీకారం తీర్చుకున్నందుకు మోదీ హర్షం వ్యక్తం చేశారు. ఆపరేషన్ సిందూర్ సమయంలో ప్రపంచం భారత్ స్వావలంబన శక్తిని గుర్తించిందని, మేక్ ఇన్ ఇండియా డ్రోన్లు, క్షిపణులు పాకిస్తాన్ ఆయుధాలను బయటపెట్టాయని ప్రధాని మోదీ స్పష్టం చేసింది.